حفلة حزن

[rainbow]
[frame="13 98"]
[frame="13 98"]
لا يزال الجو ممطر .. قالت (أدري لا يزال)
دام تدرين ارجعي لصدري .. وفي الصمت ادفنيني

(هل تحبني) ؟ اسألتني وانفجر فيني السؤال
وقمت أضحك واتهرّب وأسجن الدمعة بعيني

سهله أهمس لك (أحبك) .. واتظاهر بالكمال
بس كيف أغفر لقلبي بعدما انتي تصدقيني ؟

ما أحبك .. لأني خايف اتطلع للمحال
وماني فاهمني .. وإنتي حاولي ما تفهميني

(هل تحبني) ؟ وفَتّـ تَـ تْـ ني مثل حبات الرمال
وانكسر فيني زجاج الصبر وانكسرت سنيني

أشعر انك تسأليني شنهو لون البرتقال
وأشعر انك فوق حيطان المقابر تصلبيني

اعذريني لما أسكت .. اللي فيني ما يقال
الشعر مخلوق عاجز .. ما يوصّل اللي فيني

يكفي بعد أيام عرسك والمدينة باحتفال
الوعد يوم القيامة احضنيني و ودّعيني

ينتهي التاريخ بعد اسبوع .. والدنيا زوال
بنفخ التنّور وانتي مثل شمعة ذوبيني

رغم أسفاري الكثيرة .. رغم طول الارتحال
وبنت أودعها بيساري .. وبنت أناديها بيميني

مقتنع انك جفاف الدمع في عيون الليال
ومقتنع انك جزيرة حلمي ومرفأ حنيني

ماني متأثر في حبك .. ما ذبحني الانفعال
كل مافي الأمر ربعي في النوادي فاقديني

كل ما في الأمر اني كنت مؤمن بالجمال
كنت أحلم ان ضوء الشمس يشرق من يديني

كنت أظن بطيب نية .. (الحب نوع من القتال)
وأتفاءل بالتكافؤ بين جيش الحب وبيني

واكتشفت انه إشارة حمرا .. ما فيها مجال
شالسبب ؟ وشلون ؟ وين ؟ ومن متى؟ لا تسأليني

أسئلتنا العبقرية في الهوى تصبح خبال
اتركيني يمكن الأشجار تنبت في جبيني

اتركيني أتأمل فيك .. فن الاختيال
ولو يضيعني دلالك في عيونك دوريني

وإن لقيتيني بقايا روح مافيها اشتعال
غمضي جفوني بكفك .. وانسي انك تشعليني

لا تلوميني أنا ما قلت يا موتي تعال
هو تزوج أمنياتي قبل يشاور والديني

شفتي (الدلفين) لما يسبح فـبحر الخيال ؟
هذا انا الدلفين وانتي بحري وانتي اكسجيني





[/frame]

[/frame]

[/rainbow]