اموت واحيا واموت وماتوقعته يصير

قم ياقلم شعري ترا القلب حيران
وعيني بها هم(ن) تركد بالأهداب
قصه ومعنى حركت صف قيفان
من واحد(ن) كان الهدب قبل ماغاب
عشته بطيب وطيب القلب غلطان
لأقبل يرش الطيب بإنسان كذاب
الله حسيبك يوم وأيام وأزمان
والله حسيب الغدر في يوم الحساب
تصير منك !!! أيـــــــــــــــــــــــه ثم أه .............. يافلان
أقسم بربي كل ماصار بكتاب
ماهزني ما صار وأقول خوان
ألا سنافي وكل مافيك جــذاب
ألا كريم ومدتك نفــــح ريحــــــــان
وصادق ووافي جعل يسقيك السحاب
جعل السحاب اللي به الهمل هتان
يسقي مكانك كل يومين ينساب
يسقيك وبل الغيم وتعيش فرحان
وتضحك سنونك عند الأعداء والأقراب
,,,,,,,,,,تدري ويش اللي صار يأعز إنسان
شي(ن) بسيط وليت جاني من أجناب ,,,,,,,,,
في الضيق مايطري علي ناس وإخوان
ولا طرالي غير من هو لي حجاب
طريت لي في ضيقتي قبل خلان
وعشمت فيك الطيب والظن بك خاب
الظن خاب .....وصاحب الظن ماخان
ياما سقاك الطيب ويقول لك طاب
ياما بكيت إن ماقدرت أرفع أشجان
عنك ولا القى الدمع في العين سكاب
ياما أبتسمت وداخلي هم وأحزان
من شان تضحك وادفن الهم بتراب
,,,,,,,,,,,,,,,,,,,,,,,,,,,
ولكن ظروفي جات والحظ بي شان
واعرست بالالام في ليلة ارهاب
(وشفتك مقفي ليه مدري والى الأن
ليه الجفا يا صاحبـــي ويش الأسباب )
يا صاحبي ,,ياصاحبي,,, والألم حان
لا هو بمن خالي ولا هو من أصحـــاب ...!
ألا من اللي كنت أحسبه لي أعوان
وكنت أحسبه كل القرابه والأحبــــــاب
عادي وصارت والوفا دمعه ألوان
يبكي على موقف عزيزين الأجناب
موقك يالغالي على القلب سلوان
ومتقبله بالروح لو خاطري شاب
ألفين شكر وما حصل خير وإحسان
وعساك سالي وين ماسقت الغياب

رح سامحك ربي وأنا عقبك إنسان
وافي ولا يحتاج مامن الوفا تـــاب
بأمشي بطيب وعز وأعيش نيشان
حر على العليا رقى كل مرقـــــاب



.............................منقوله............... ...... ..................وسلامتكم
إهداء لكل من يتعمد التجريح والتقصير مع إنسان عطاه كل مايملك ويقدر عليه ....وأقوله ترا الدنيا
بخير مادمنا نبحث ونمشي على دروب الخير ...