خــلاص مـاعاد في هالوقت خير

لو أن الزمن ياكل شعيـــر
مات الزمن جوع .. والدنيا عبــر

لكن عسى الله يعديها بخيــر
انقذت الأمواج.. وأغرقني شبــر

كتبت ليــن انصف الفصل الأخير
طار الورق قمت .. وطيحت الحبــر

طاحوا من العين يا هيا .. كثيــــر
من شين الايام .. والوقت الغبــر

كانوا زرافات كالبحر الغزيــر
قبل يولـون يمتنا الدبــــر

كنت اعتبرني وانا اكبر صغيـــر
صغرت بعيونهم حقد وكبر

كشفتهم فكر.. قالوا لي : خطير
دفنتهم شعر سوو لي قبــر

طاحوا من العين يا ملكه..كثير
من شين الأيام .. والوقت الغبر

حتى حبيبي ترك قلبي حسير
قلت : افترقنا .. وما صدق خبــر

واقفى.. وانا صعب اجي عنده كسير
وعجزت لاأنساه .. يالله الصبر

الوقت جاير ولا ني مستجير
وهذا الكلام .. الاخير المعتبر

خلاص ماعاد في هالوقت خير
صـــــار الزمن غيــــر والدنيا عبـــر





تحياتي لكل من مر هنا