سليل الفاتحين ..... اليك

في خيبة الايام بشارات وعلوم
وفيها اخوه ماتقدر غلاها
في ذا الزمن كم ياناس بتحوم
ويكفيك واحد يوفي بناها
انا امد اليد واثق بكم دوم
للجيد كل الكرامه خذاها

واليد لامتدت بالعهد لي يوم
مااردها ولا انكر عطاها
وان خاب ظني اصبر وماالوم
ولو جنى في حقي خطاها
وان اخطيت اصارحه انا دوم
واعتذر واقول قلبي جناها
وان استغل طيبتي لازم لزوم
يحصد من الزرع ماجناها
ايا سليل الخير ظنيت بك شوم
العفو منك والسموحه نباها
والله ما مثلك رجال محشوم
والخير فيك فطره نراها
وانا اوعدك من عاداك تسموم
له العداء مني عطاها
سلام يوصل لك كما اليوم
وصحبتك بها اليوم نتباهى