لله درك

هذا انا من ليلة فراقك وجاي
كلي ثبت الا دموعي تحرك
صارت اجاباتي حقيقه مع اعداي
من قال كيفك؟ قلت حالي يسرك
ما سولفت كفي على سلوك مر كاي
خايف توصلك كلام يضرك
ولافضفضت يمناي حتى ليسراي
رغم ان حلك ذايب وسط مرك
امشي طريق التيه وواصل اخطاي
واسوق غيمي لين يمطر ببرك
ان كان في صحراك بذره لرجواي
اما نبتت..ولا نبت شوك شرك
ياموقد احزاني ويا سارق رضاي
ابدعت في بعدك ولله درك
صار الظلام احساس والهم دنياي
حتى الشعور بشخص غيرك يمرك