صرت اكابر

صرت أكابر

صرت اكابـر وادري ان بداخلـي انسـان ثانـي
صرت اكابر وادري انـك لا تركتيني...خسـرت

غصب,حدتني ظروفي وانتـي اول مـن عصانـي
انكسـرت ويلعـن الكسـرة اذا منـك انكـسـرت

تذكرينـي يـوم قلتيلـي تعبـتـي قلت...كـانـي
ان قدرت اوصل وصلتك واوصلك لو مـا قـدرت

ما دريت اشلون حبـك جـا مـن بعيـد وخذانـي
لا تركتينـي افـكـر لا ولا حـتـى استـخـرت

ايه,عشقتـك عشـق علمنـي القصيـدة والمعانـي
ومذكر اني قبل اعرفـك..ذاع صيتـي وانشهـرت

ايه اغـار مـن الأوادم غيـرة تذبحنـي بمكانـي
ولو افكر شخص ثانـي ياخـذك كـان انفجـرت

قمت احبـك لييييـن حسيـت انـي بحبـك انانـي
وشعلي؟؟ان كـان قلبـك حطنـي بـه وانأسـرت

كنتي صغيرة واحسـك تكبـري داخـل كيانـي
وماانكر اني من عرفتك!!حيييل بأحساسـي كبرت

قلت:وش عمري بدونك؟؟ودام هذا العمـر فانـي!!
اخذي منه اللي تبين وراااح عمري...مـا شعـرت

نـاس تستغفـر وانـا استغفـر اذا حبـي عمانـي
الا ذنب عيونـك اللـي ضعـت فيها...وانجبـرت

جبـت هالدنيـا بدينك,مت...قلتـي:مـا كفـانـي
وش تبيييين؟؟انهرت كم مرة وكم مـرة انتحـرت!!

البخل؟؟ما قد عرفته..جيتك اسـرف فـي حنانـي
ومـا لقيـت الا برودك,قلت:تتغـلـى ونـطـرت

دون غلطة...انهار حبي كلـه ومـا كنت...بانـي
واشوه اني يـوم غـدرك مـن بقايـاك ادخـرت

ما عشقتك,لأجل اباخذ منك...لـو حبـك عطانـي
وما عطيتك,لأجل اقول انـي عطيتك...وافتخـرت

استحيـت اطلبك...كلمـة قلتهـا الـف بلسـانـي
واستحيت اقول لـك تعبـاااان قـد مانـا سهـرت

واستحيـت ابيّـن الجـرح الـذي بجفـاك جانـي
واستحيت ازعل!!وابيّـن غدرتـك يـوم انغـدرت

ما كفـرت بحـب البديّـع...ولا ببيـض المبانـي
وما اظـن بحبـي للبحريـن يالشقرا......كفـرت

سلسلة طعنـااات منـك اتبخّـر احـلام وامانـي
وبس لا جا بمسمعي صوتك...تناسيـت وغفـرت

احـسـب ايــام بغيابك!!بالدقـايـق والثـوانـي
ومقبلٍ لا شفت وجهك...صرت وردة وانتثـرت

اشكرك كـل الشكـر واعبّـر بشعـري امتنانـي
يوم عن كل حب قد صمت وعلـى حبـك فطـرت

غلطة واتحاسب عليها..مـا نسيـت اللـي نسانـي
طيبتـي اكبـر عيوبـي قالت:امهلها...وصبـرت

كمّلـي بـاقي حيـاتـك واتركي(محمد) يعـانـي
وكان في يومٍ جرحتك؟؟هذا انا بشعري..اعتذرت

بس....سمعيها...ترى اللي صارلك معشوق ثاني!!!
ماهـو لك,واتذكّريها...قلتها...يومي خـسـرت