اجرحيني

اجرحيني دام جرحي يسعدك=واجعلي من كل طعنه ابتسامه
ساهرن في كل ليل اترصدك=ما شكيت بيوم او قلت الندامه
اعشقك عشق المتيم في يدك=صار طعم الجرح عندي كالسلامه
وتذبحيني يوم تنسي موعدك=وانا والله انتظر ساعات سامه
بس كافي دور اللي يوجدك=اتركك والقلب يبعد عن اثامه
ايه مولاتي الاميره اقصدك=صار عندي الحب اهوال القيامه
سوي كل اللي تبي ما انشدك=لا ولا ارجوك عطفك او رحامه
مات قلبي لا يجيني موفدك=ذا حضورك صار يشبه انعدامه
ابعدي ماني بعبداً يعبدك=انتهى حلمي وصحصح من منامه
وسط راسك عقل اظنه مرشدك=ينحرف والا اشوفه ف استقامه
انتهينا ما بهمي واوعدك=ما تلاقي حب دامك في ظلاااامه
واجرحيني دام جرحي يسعدك=واجعلي من كل طعنه ابتسامه