((بدع الشاعر اليافعي محمد صالح عويضان وجواب الشاعر توفيق الماطري = جديد

بدع الشاعر محمد صالح عويضان

=====


يقول أبو فضل با أتكلم على الكاشف=مالي ولنسان عنده نفس خوافة
وأنا من أشبال يافع ذي لهم سالف=بود صادق وعند الحق قطافه
وأفتح ملف الصداقة له زمن واقف=مع زمايل ومش مفروض وقافه
والعيش والملح ما يسهل على العارف=من حب صاحب حمل ميله على أكتافه
وأنا مع الماطري مشفق ومتعاطف=حمل ضناء الزين والمفروض أنصافه
يا مرسلي شل ما أتيسر لبو شايف=مكتوب جهزت عنوانه وضرافه
خصه سلامي ومن في ديرته واقف=من المعاريف والا الأهل بالحافة
بلغ سلامي لمن صادفت مترادف=ووصل الورد والمشموم بأصنافه
وقل لتوفيق شفني جيت لك خاطف=حامل رسالة وقادم عين شوافة
با أشوف صح الخبر والا طلع زائف=ذي قالوا أنه وقع في خس ودافة
شهور له مختفي في منزله عاكف=من أتصل أو كتب له ما معه طافة
وحيد ضاجر وخبزه يأكله ناشف=ويكابد الضيق والنهدات بأنجافه
هذا التعب صار له من حيث هو والف=شريك له كان دائم يقضي أشفافه
توفيق صالح بنظرتنا جبل نايف=ما كان لي ظن حد يقدر على أضعافه
سهرات توفيق نعم العود والعازف=على غصون الحبش سمرة وكيافة
من نسل عود أبن سالم يأمن الخائف=وافي ومقدام ما واجب تعسافه
وأنا أنصحه وأرشده من قلب متعاطف=لا يعتمد شي على قانون خرافة
عاده بخير العمر لو كن متناصف=لو دق باب أبتسم له ناقش أكفافه
جاهل كحيل الحور بالطبع متلاطف=يرشف رحيق العسل من صحن شفافة
والدين قد جاز ما با أقول شي سارف=يمر من حيثما قد مروا أسلافه
وأن شي خطاء صار مني قلت له آسف=ما أنا منافق ولا من ناس لفافه
ذكر الحبيب المشفع ما ذلح صاعف=بالغيث وأتلملم الجاهم من أطرافه
ذكره مسرات للزاجي وللزاحف=صلوا على نور عيني كامل أوصافه

((((( جواب الشاعر توفيق الماطري ))))

يالله يامن بحال الماطري عارف == وكل مظلوم بيدك قدره انصافه
من بعد باقول ياحيا على الخاطف==لضيف غالي سكبت العطر باغلافه
يرحب ابوفضل شاعر شهم متلاطف == حقه على واجب اكرامه وضيافه
حتى ولو قال خبز الماطري ناشف == باذبح له اعجال جنب اثوار نهافه
والورد ذي جاب له بالورد بنظاعف == ونخص فيها مدن يافع واريافه
الماطري قال بارسل رعدي القاصف == مع براكين تشعل نار لهافه
للي اتاني ليتكلم على الكاشف == من حط ابو فضل في ضاحه وهدافه
دام ابتدا بالهجا ماعاد باخالف == من كاسه المر يتهنا تهسافه
من يافع انته وانا عودي ولي سالف == مافيش عودي بيحمل نفس خوافه
مسكين ابوفضل معايا قال متعاطف== يضحك شماته ويسكب دمع ذرافه
كنت احسبه ياحسافه حيدي النايف == طلع ابو نفس دواره ولفافه
عادك معي قبل سبعه ايام عالهاتف ==وعاد رقمك في الجوال كشافه
طلبت رقم اليزيدي كيف تقوول اسف == صاحب هجاني ويختم في تئسافه
عادك بنفسك تقول يمكن خبر زائف == بالوقت لي قمت في نشره ولفلافه
بتماشي اعداي لاعاده ولا سالف ==انك صديقي وتسمع ناس حلافه
ذي قال لك اننا في منزلي عاكف== ومن كتب واتصل بي مامعي طافه
واجب تاكد ولا تنقل خبر خاطف ==ماتسمع المفتري وتحقق اهدافه
محد مع الناس كما توفيق متألف == شريف بالقوم ما بيهمل اشرافه
اما الكتابه قصايد سيلها جارف == وانا الذي يمتلك للبحر وازوافه
كم ياتحاور معاك عارف وبتخالف ==صوتي وصل للفضائيات باهتافه
مازلت لليوم صوت الوحده الراجف == وصوت مسموع عند الشعب باطيافه
ا تجنب اللي فقط اخلاقهم تالف == للدجل والكذب كلا فارش الحافه
انه امامك يرحب فيك متلاهف == وان غبت عنه فلن تسلم من اسفافه
غُثاء وقت العوافي شل بالطارف ==وفي الشدايد ارانب صيد خوافه
من قال لك ان خبزي باكله ناشف == بالرغم ذا مايعيب المرء واسلافه
من غربتي للوطن بالاهل متكاتف == ويش فايده شخص باهله ظاهراجحافه
ربي وهبني بفضله خير مترادف ==كم ناس لامو ابو شايف على اسرافه
مالي وانسان للاموال بيراصف == بخيل عايش على فقره واعجافه
دستوره القرش لاينفق ولاصارف == ينام والطُبعه الخظرا باحدافه
رزقي من الله وهو للرزق بيضاعف ==زرعت للخير وانا للخير قطافه
لا اطمع بقادم ولا بابكي على التالف ==ولا اقبل الغير يحملني على اكتافه
اعيش عيش الكرام والكل بي عارف == في وقت غيري ثياب البُخل شرشافه
ماقبل دعايات لي يهدف لها الهادف ==ياعيل عيلوه يمل السيف سيافه
لي حاولو يخذلوني ريقهم ناشف == بالطين مرغتهم جعثه ولعافه
رغم الالم ذي بظهري كالنمر واقف ==ادوس فوق الالم واعمل على اضعافه
كذاب من قال لك توفيق قدوه زاحف == باقود في الاطلسي الفين طوافه
مافي رجالي رجل مرعوب او خايف ==لكل افه بتلقاهم مائه أفه
زلزالهم بالاعادي دايما خاسف == محد يمل الوفا منهم ولا عافه
مازال ابو شايف المقدام ابو شايف ==من في حمي الله من يقدر على اضعافه
نصيحتى لك تهاجر لك على الطايف== وحج للبيت وطوفه ضمن من طافه
عليك ابو فضل شوف الماطري خايف == كم باتضل في نييورك شقا وكتافه
واحزيك من نجم من اجلك يضل نازف ==مبداه واحد ولا بيخالف اعرافه
غالي وله قدر عالي يعجز الواصف ==ان يوصفه . والقدر محكوم باجوافه
صلاه للمصطفى يختم ابو شايف == شفيعنا من حمى نييران لهافه

توفيق الماطري=