أبنعي حظي العاثر بموت الحلم والــــراعي

حيـــــاتي كنها غيمه وبالأحزان محكومـــــه
أحاول بالضحك أنسى وأتخلص من أوجـاعي


أشوف أيامي تتعثر وقلبي زادت اهمومـــــــه
وخدي من دمع عيني تجرح والفكر ضـــــاعي


أعيش بوجهي الثاني . ضحك وأفراح مزعومه
أخادع منهو يسألني واقول المزح بطبــــاعي


الأقي منهو يشكي لي وأنا بالهم موسومـــــه
وأقول بخاطري همك أقل والله يالنـــــــاعي


تبي تعرف حجم همك تذكر منهي مظلومـــــــه
ظلم ناسي ، ظلم قاسي ، وظلمه يدق باضلاعي


حيــــــاتي كلها قسوه مثل ليلٍ بلا نجومــــــه
مثل ليلٍ بلا قمره مثل مركب بلا اشــــــــراعي


مثل سحبٍ يمر بصيف وقاعي منه محرومــــــه
أشوف المزن من حولي ولا يوصل لمربـــــاعي


مثل حلمٍ وسط عيني غفيت وتاه بحلومــــــــــه
حلمت وماأكثر احلومي ولكنها بلا داعـــــــي


مدام انها ماتتحقق تضل بالنفس مرحومـــــــه
أبنعي حظي العاثر بموت الحلم والــــــــراعي


.