.:!!:. ألا يا جفن .. علي بن روغة .:!!:.

كلمـات أغنيه علي بن روغة
وغنى الكثير من المطربين
مثل
ميحد حمد
حربي العامري
وغيرهم


الكلـمـات .: ألا يا جفن :.



الا يا جفن وش بك ما تنامي .. ولا تغضي مع اللي يرقدوني
سهرت الليل والعالم نيامي .. وانا شروات ياللي بهديوني


العلع مثل ما طير الحمامي .. واجر النوح في روس الغصوني
الا يا عاذلي كف الملامي .. لي عاذلتني زادت اشجوني


انا المجروح واشقاني غرامي .. غدى بي حب ناس ولعوني
غرا حالي هواهم والعظامي .. وانا اشكي وهم ما يسمعوني


وقلبي في هوى الحيين ظامي .. وجرحي في المحبه ما يهوني
نحيل الخصر منقوش الوشامي .. على فرقاه كم هلت عيوني

انا لولاه ما عفت المنامي .. غزال ذار من اللي يقنصوني
ملكني في الهوى حبه دوامي .. عسا ان الله على حبه يعوني


صبرت ايام وشهور وعوامي .. وهم لي من اللى لا يرحموني
بو عقن وصل لين الحزامي .. لي هده على ذيج المتوني


وعينه عين حر واحتشامي .. صغير السن قدره ما يهوني
يا ليت الناس ما تاخذ كلامي .. يحول الواش من دونه ودوني


انا بنوي على وصله صيامي .. يا لي حقق بعد ياسي ظنوني
على الهادي صلاتي والسلامي .. عدد ما ناض براق المزوني



واتمنى تعجبكم