كلمات مسروقة من مذكرات طفل ...

كلمات مسروقه من دفتر طفل كتبها

بعاميه اللغه...

ودهشة السؤال..!!

السبت
فتحت عيوني .. ادور عن نور....امروني:

< غمض>...
وغمضت بعدها ما شفت لا ابيض ولا اسود!!


الاحد
كنت اسمعهم يقولون :<العن ابوك>
و<ياحيوان>و<ياثور>و<يابقره>و<يالوح>
و<ياجدار>
فتوقعت إنى أكون في حديقة حيوان ...
فتحت عيوني أبغي أشوف (هالحيوان)...
قالولي : مايصلح تشوف قلة ادب ....
سالتهم : طيب...في عصفور؟؟
صرخو بوجهي :<انطم وغمض>.........!!


الاثنين
سمحولي أشوف تلفزيون...
كنت لحالي منسجم مع افلام الكارتون....
دخلت امي.....وكان أبو عائلة آدمز
(يبوس) أمهم....
ركضت أمي ...غيرت القناه..وصرخت بأعلى صوتها....
عيب عليك قاعد تشوف قلة أدب..!!
ناظرتها بكل براءة طفل وانا متعجب من اللى صار
طيب وش صار؟؟
ابوهم يبوس امهمّ!!
قالت لي وهي معصبه مررررره
(التبويس قلة حياء)


بعدها باسبوع ....
شفت أمي تسلم على أم جارنا و(تبوووووسها)
قلت لها وأنا كلي أسى
(التبويس قلة حياء!!!)


الثلاثاء
كانوا بنات خالتى عندنا ...
وكنت الولد الوحيد اللى يلعب معهم....
وأبوي بس يبحلق عيونه فيني وين مارحت وين ماجيت بعد مارحت ....
نادني أبوى وقال :عيب الولد يجلس مع بنات
قليل أدب!!!


الاربعاء
كنت أسمعهم يقولون (صدام قوي)..
وأعجبني..

بعد الازمه قالوا (صدام مجرم وحرامي)..
سألتهم:كيف؟؟؟؟
قالو حرامي ومجرم وبس....
وأسكت!!!




وكنت اسمعهم بعد يقولون (جيم كاري ..فاسد)
فكرهته على طول..
وكانو يشوفون أفلامه ويضحكووووون...
كنت اسألهم ليه تضحكون؟!
وماتقولون انه فاسد"
قالو ورع ما تنطم وبس ؟؟

الجمعه
أسمعهم يقولون اللى يطول في المكالمات يغازل....
واللى يروح للسوق يغازل....
واللى يعرف انترنت يغازل ...

وأمي تطول على التلفون....
وتروح السوق...
وتطقطق على الكمبيوتر ...


رحت لأبوى وأنا مصدووووووم
ابوووووووى الحق........


.....!!!!!....أمي تغازل.......!!!!!!!!!....



( مما راق لي )


الدكتورة أمان