نكت‏

واحد اتحشر في زحمة المرور فلقى واحد بيخبطله على شباك العربية، فتح الشباك وسأله عايز ايه؟

قاله: الرئيس حسنى مبارك خطفوه والفدية 5 مليون دولار ولو الفدية مادفعتش، الخاطفين هددوا يدلقوا عليه بنزين ويولعوا فيه!!! واحنا بنجمع تبرعات!! تحب تشارك؟
الرجل سأل: وفي المتوسط الناس بتتبرع بكام؟؟
الرجل الثاني: من 5 الى 10 لتر بنزين!!!!!!
===================
ملكة انجلترا - جورج دبليو بوش - محمد حسنى مبارك - ... ماتو ودخلوا كلهم الجحيم!!
الملكة اليزابيث قالت: وحشتنى انجلترا وعايزة اكلمهم واطّمن الناس عاملين ايه هناك.
اتصلت بيهم واتكلمت حوالى خمس دقايق.... وقالت: ها ابليس؛ عايز منى كام تمن المكالمه؟
ابليس قالها: خمسة مليون دولار... كتبت له شيك ورجعت تقعد على كرسيها تاني.
جورج بوش غار منها جدا وقعد يصرخ وهو بيقول: وانا كماااااان، عايز اكلّم امريكا، واتّصل!!! وقعد يتكلم حوالى دقيقتين .... بعدين قال : ها ابليس، عايزمنى كام تمن المكالمة؟...
ابليس قاله: عشرة مليون دولار!! ... كتبله شيك ورجع يقعد على كرسيه تاني
حسنى مبارك غار منهم بطريقة رهييييييييبه... وبدأ يصرخ وهو بيقول :اناااااا بردو عايز اكلم مصر، بردو عايز اعرف الناس عامله ايه هناك، واكلّم الوزرا، عايز اكلم كل واحد...
اتصل بـ مصر وقعد يتكلم.... يتكلم...... يتكلم.... حوالى كدا 20 ساعة.. بعدين قال: ها ابليس.. عايز منى كام تمن المكالمة؟
ابليس قال: دولار واحد....
حسنى مبارك قاله: دولار واحد بس؟؟؟!!!!!
ابليس رد عليه وقال: من الجحيم للجحيم مكالمة محلية!!!!!!!
=====================

================
بيقولك مرة الريس مسك نظيف وقالوه قولى يا نظيف بصراحة انا احسن ولا جمال عبد الناصر؟؟
قاله: جمال مين يا ريس!!! جمال كان بيخاف من الروووس انما انت لا.
فساله الريس طب انا احسن ولا السادات؟؟
قاله السادات مين ياريس!!! السادات كان بيخاف من الامريكان، انما انت لا!!
قام الريس قاله: طب بصراحة بقى أنا احسن ولا عمر بن الخطاب؟؟؟
قاله: انت طبعا يا ريس عمر بن الخطاب كان بيخاف من ربنا انما انت لا
============
دكتور مصرى ودكتور ياباني ودكتور أمريكي في مؤتمر عن زراعة الأعضاء الأمريكي..
قال الأمريكاني: احنا كان عندنا فى أمريكا واحد مابيشوفش جبنا قطة ودبحناها وخدنا عينيها وزرعناهم للراجل وبقا يشوف.
اللي واقفين قالوله: ياااه؟ وبيشوف كويس؟
قال لهم: يوووه ده بيشوف اللي ورا الشمس دلوقت!!!
قام الياباني قال: احنا كان عندنا واحد كبده تعبان فجبنا قطة ودبحناها وخدنا كبده وزرعناه وبقا شغال.
قالوله: يا سلام؟ وبيشتغل كويس؟
قال لهم: أمال.. ده بيهضم الزلط دلوقت!!
المصرى قال: إحنا بقى كان عندنا واحد مخه بايظ رحنا شيلنا مخه وحطينا بداله جزمة!!!
قالوله: إيه؟؟ مش معقول! ولسة عايش؟
قال لهم: يااااااه ده بقا رئيس الجمهورية عندنا دلوقتى!!!!!

=============