بدون زعل((نكت ع المشرفين والمراقبين ف المنتديات

جبت شوية نكت عجبونى حقيقة
على المشرفين

بما ان اى حد مسئول عن اى حاجة طلع عليه نكت

اشمعنا المشرفين يعنى يللا ما علينا

اكيد بمزح معاكم بدون زعل:



$ مشرف كل ما زوجتة تفتح معاه موضوع يحذفه


$ مشرف زوجتة جابت توأم سمي الأول ( مثبت ) و التاني ( منقووووووول )


$ مشرف عمل فرحه في منتدي الفرفشة , و دخّل المعازيم برقم العضوية


$ مشرف ابنه نجح في الامتحان راح مثبته ..ههههههههههههه قوووية


$ مشرف رخم اتقدم لواحدة اهلها حطوه في قايمة التجاهل


$ مشرف حب يجيب هدية لمراته كتبلها المنتدي بأسمها


$ مشرف رخم كل ما يشوف عضو جديد ع المنتدي يقوم حذفه فجه عضو
لقي الفانوس السحري دعكه طلعلو العفريت قاله شبيك لبيك تطلب ايه
قالله روح المنتدي اوقفلي المشرف دة
العفريت راح و مرجعش فالعضو دعك الفانوس تاني فالعفريت رد من جوة قاله عاوز ايه
العضو قاله مجيتش ليه
العفريت قاله اتوقفت يا فالح


$ مشرف اشتري عربية كتب عليها حصريا


$ مشرف اتقبض عليه بتهمة التستر علي مواضيع منقوله


$ مشرف حط رساله علي الأنسر ماشين : " انا مش موجود دلوقتي برجاء ترك
الرد بعد قراءة الموضوع_و شكرا ع المرور"


$ مشرف زعل مع صاحبة ادالة ايقاف


$ مشرف حب يكافي مراتة اداها مشاركتين زيادة

$ مشرف جتله فاتوره التليفون كبيره عملها تعديل

$ مشرف عاوز يخطب عضوه بيقلها ممكن اسجل عندكم في البيت
بس ياريت والدك ميتاخرش عليا في رساله التفعيل


$ مشرف عاوز يعرف خطيبته بتحبه ولا لادخل على المنتدى بدا يخذف في
المواضيع واحد ورى التاني (بتحبني _مبتحبنيش_بتحبني_مبتحبنيش)

انا عارفة راح يمتسح عضويتي

على بركة الله هههههههه

__________________