جواب شاعر اليمن اغلى شرف الدين فاضل على الشاعر الكبير علوي قاسم الريوي

بدع الشاعر الكبير علوي قاسم الريوي المرسل للشاعر شرف الدين فاضل
[poem=font="simplified arabic,5,blue,bold,normal" bkcolor="skyblue" bkimage="backgrounds/44.gif" border="solid,4,blue" type=2 line=0 align=center use=ex num="0,black""]

قال ابو قاسم اتحدا عدوي تحدي=باتحدا شرف ومن معه با تحداه
واجلده بالعصاء سبعين جلده بيدي =بحسبه لحمتي ذي ربنا ليدي اده
ذا جزا من يعاندني ومن قف ضدي =دمه اتصبحه والا غداء با تغداه
كل فارس خضع من هزه اصوات رعدي=كل عاصي وابو قاسم من الصوب قاداه
يابن فاضل تراجع قبل ما الصبح يبدي=اعترف بالغلط ياشيخ والحق مقداه
لاتقع لي حجر عثره مساند لمهدي =ذي تقولو له بالروح والدم نفداه
الفداء للوطن ياشيخ ماهو لفردي=ياجديدي لكم ياجدي اليوم جداه
اشتي احررك ببذل معك كل جهدي=قد تحرر اوباما بعد ماكان عبداه
وانت خاضع لبن مشعل ومحمود قندي=ياقهورك وياغلبك ونهداك نهداه
حط يدك بيدي لانت للحق مقدي =وانداوي المرض من حين ماكان مبداه
قبل ما ينتشر بالارض طاعون هندي=من قفا ذا الوبا ياصاحبي من ذي اداه
بانصفي البلد من فخه امراض معدي=مالسبب ذي زرع بيناتنا ذا المعاداه
والغلط بان من عند الخبير الافندي=اطلق الحبل عالقارب وراح وين وداه
وين ساره سفينه نوح وينا تهدي=هزها الموج ياويلك وبرداك برداه
لا طرحها لسايقها وذا كان قصدي=سايق الويل ذي رهدا بها فين رهداه
او زقر شوكه الميزان عندك وعندي=اوعرف منهم اصحابه ومن ذي تعداه
لاكن اقبل كما شارب عصير البرندي=يحسب الارض له والناس تمشي بمبداه
والمثل قال من حب نفس ترهدي=او فرق صاحبه هذا المثل صح ذي اداه
وانت خاضع مع سيدك مسير وجندي=انت بتئيد الباطل وانا با تصداه
اختلافي معك لما تسمعت مهدي=انت تضحك وانا من ضمنكم يا مناده
قلت باشاركه من اجل يسعد بسعدي=خاين العهد والميثاق ذي خان عهداه
وايش من حض ذي ودفت لا يد كردي=ذي نو الغدر بي والعيب بالجيب لي اداه
خير لك تفترق وحدك وانا سير وحدي=لا تضلي تنااديني وانا اديك مرداه
لهنا بكتفي واديت ماكان عندي=وانتو تسمعو ابن الفاضلي ايش رداه
ختمها بالنبي يامن سمع صل بعدي=صل عالمصطفى المختار ذي ربنا اهداه

[/poem]

جواب الشاعر شرف الدين فاضل على الشاعر الكبير علوي قاسم الريوي

[poem=font="simplified arabic,5,red,bold,normal" bkcolor="skyblue" bkimage="backgrounds/15.gif" border="solid,4,red" type=2 line=0 align=center use=ex num="0,black""]

قال ابو يونس البداع سيفي بيدي= سيف مسلول وارث له وجدي لي اهداه
ورثه لي لقطع اعناق اهل التحدي=مثل هذا كبير الراس ذي خان مبداه
لازما ادبه واعلمه كيف يبدي=لا يطاول على اسياده وحده يعداه
جاء يهذرم ويتوعد وهو وسط يدي= ناسي انه بقبضاتي ويومه قد اداه
دوم ابو قاسم المغرور هدرات يدي =كم نصحته من الماضي شرف لا تحداه
ماانت قدي ولا زندك يساوي لزندي=لا ولا عندك القدره جبل با تقاداه
من بدع بالغلط يصبر على عنف ردي=بندقي في يدي ونارحمراء ترداه
جاء بضهر الحمار ماشي بدربه مودي=قال بيده عصاء موسى وحذق اليهوداه
هزلك حيد يا مجنون واحلم بمجدي=شوف حدي علامه حضر محد يعداه
لا نت عادك تريد العيش وفيت قصدي=كن مواطن وحب الارض بطل معاداه
جيت منكر وجاحد لي تناسيت مدي=زابط المايده يا لقاسمي تبت ايداه
كيف تنكر لامدادي ودعمي ونقدي=كيف تنكر لمن اعطاك بالعيد عيداه
كنت معلول واسقيتك انا خير شهدي=كنت بعد الذي بالمركزيه سياداه
ان يقول حط له حطيت بالغصب تدي=وان يقول شيل شليته وشلت الزياداه
وانك اليوم تتجاهل وتهدي وتودي=قلت تشتي سفينه نوح بيدك رياداه
الغلط مننا ومن سياسات مهدي=مدك الحريه واعفاك وانته تعاداه
شوف للحريه تحكي وراحه تعدي=كنت مكتوم في الماضي وعبد العبيداه
من تحرر وانت العبد واعتقت بيدي=عاد حقك دفعناها من الدخل نقداه
لا تغالط ولا تغتر بالشر تغدي=الندم با يعم من باع مبداه لعداه
بطل الشوشره واعرف شروعي وجهدي=لا تفرط بوحدتنا وارض السعيداه
نحن اخوان والغاوي نصيحهيهدي=اخر ايامهم بين القيود والحديداه
قلت وحدك تسير وانا تقول سير وحدي=بعد ذيك النجوم وابعد وابعد وبعداه
وحده الشعب لا ملكك ولا بيض بايدي=وحده الشعب ملك الشعب من عهد جداه
كلنا لجلها نموت ونحيا ونفدي=لن نفرط بها ولا نبيع السياداه
نحن ضد الفساد وضد من خان عهدي=نحن ضد الشلل واهل العماله ووغداه
لانت تشتي الصفاء اقبل ومشيت بعدي=عامل الناس بالاخلاق وامشه رويداه
لا تطاول على ارضك وذي كان بدي=لو تعلمت من ماضي ضلامه وجلاداه
صون ذه نعمتك وانشي معك راي تدي=صون ارضك وصون الارض اغلى عباداه
لا تماشا مع الاشرار فالداء يعدي=لو بهم خير ما فرو زمان المناداه
لا هنا واكتفيواضن وفيت ردي=وانت يالقاسمي افهم خطابي وسرداه
ختمها بالنبي مالجو غايم وبردي=الف صلو عليه يا سمعيني عديداه

[/poem]