Ⓝ♥ تبقى أكثـر انسـان بكاني وحبيته♥ Ⓝ

السلام عليكم ~


الشعــر يعني .. وبعض احـيان ما يعــني
...........والجرح ضيفٍ سكن بي والحشا بيته

الشعر ارضي .. يوم ان الهم زارعني
...........الشعر نهرٍ .. شـربـني يوم صبّيتــه


سهّرت وجهي وكف الصبح يصفعني
...........كني بصمتـي جـرحته يـوم ناديتـه


يامـا تحلمت في قــربـك ولـوعنــي
...........قلت احلم ببعـدك لــو عـانيــته


يلعن ابو الحــلم بس الحين طـاوعـني
...........لو ادري انه بيصدق كان صحيتــه


ما انته لحـالك عشـان تقـول بـايعنـي
...........كثير كسروا ذراعي يـوم مديتــه


اكذّب البعد .. لـين الـهم يقنعـنـي
...........كني على كثـر مـا اذكرني تناسيته


قبل انتفارق وتنسى جرحي اسمعني:
...........وش فايـدة كـل جـرحٍ فيّ خليته؟؟


ما قلت لك من (بعد) بعدك يسنّعنـي
...........هلحين شفني عمـا فاللـيل سـرّيتـه


ضايع من اللّه وطاري البعد ضيعني
...........تبي تدلـه.... وطالـع وين وديتـه


يـاكبر ظلـمك تسـافر ما تودعنـي
...........ماكنك اللي ذبحنـي لين حبيتـه


كم قلت.. يـا آدمـي بعـدك يروعني
...........ويـاكم جــرحٍ يجيني ماتحــريتـه


اذكرني اليا نثرك الشوق واجمعنـي
...........واذكرني اليا حضنك اسمي وضميته


واذكرني اليا ذكرت الدمع قطعنـي
...........وان مــر في خاطـرك رقمـي ودقيته


مع السلامـه وقبل تسـافــر اسمعـني:
...........تبقى أكثـر انسـان بكاني وحبيته




مما راق لي ~