لا تعتذر

لاتعتذر منـت بعلـى الصـد معـــــــــــذور *** وش عاد لـــــو كثـرت علـي المعاذيـر

تعبـت أسايرهـا وهّديـــــــــــــك وتـثـور *** واسووق رجلي في سـراب المشاويـر

ياصاحبي .. ماني على الصبر مجــبور *** ولولاك تسوى .. مارقيـت المحاذيـــــر

يوم الغلا .. جاله على القلـب منثــــور *** سقت الثميـن ولاحسبـت المخاســــــيـر

جيتك وانـا كلـي بساتيـن وزهــــــــــور *** وانفـاس هيـلً بالـــــدلال المباهــــــيـر

يحدنـي يمـك .. احاسيـس وشعــــــــور *** وجيـوش عشــــــقً بالحنايـا طوابيــــر

قلبً يضمّك وانـت بالقلـب محصـــــور *** وريضان وجـــــدك بالضمايـر مزاهيـر

وطعوونك اللي كلهـا آلآلآم و......ـور *** مّــــرت علي ضيـوف دار ومساييــر !!

اشيلها راضـي ولاعنـك .. مذخــــــور *** واصيـر دونـــــك بالليـال المعاســـــــيـر

واليوم .. ضاعت بك محيطات وبحور *** لفـــــت بـك الدنيـا شتـات ومقاديـــــــــر

قامـت تلفـك لـف وتلـف وتـــــــــــدور *** مابيــــن ضايعهـا وشّـــــــــــح التدابـيـر

ورجعت لي ضامـي وتايـه ومقهـــور *** عقـــب البطا .. شمّيت ريـح التباشــــيـر

ماعاد لك عندي ... مراتيع وقصــور *** أتــلى العهد .. يومك حرقت المخاضير!!


دمتم ...