تبيني .. أهلا و سهلا .. غير جذي ما عندي ..!!

السسلام عليكم و رحمة الله و بركاته ..


اليوم حبيت انزل لكم موضوع اشوي غير عن المواضيع اللي نزلتها قبل ..
راح اتكلم بالموضوع هذا عن شبابنا و بناتنا ..
و التركيز راح يكون ع البنات اكثر شوي ..


اول شي .. وايد منآ مرو بقصة حب و من هالسوالف ..
و في منآ اللي حب من قلب و اخلص ..
و في منآ اللي كان يلعب و يتسلى ..!!
و آنا كـ ولد ما خنت و ما افكر اخون و لا راح اخون ..
مع اني ما احب .. بس حتى لو صار و حصل .. ما راح افكر اخون لو شنو يكون السبب ..
الحين البنات اللي حبو و انخانو .. شنو استفادو ..؟
و الشباب اللي حبو و انخانو .. هم بعرف شنو استفادو ..؟
يعني حبكم و اخلاصكم و وفائكم راح حق ناس ما تستاهل ..
ناس ما تعرف قيمة الحب ولا قدرته ..
ناس شوهت شكل الحب ..!!


ليش ما يكون حوارنا صريح من اول نسمة حب تمر بحياتنا ..
ليش ما يكون ردج على من قالج احبج
" تبيني اهلا و سهلا .. غير هذا ما عندي "
يعني .. خلي يعرف انج انتي بنت ما تلفين و تدورين ..
و خل يكون ختام علاقاتنا الزواج ..
ليش نعيش قصة حب طويله و عريضه و بالأخير ننخان او نقول ماكو نصيب ..!!!
ليش دايم نعرض اعمارنا للخطر و لكلام الناس ..؟
مهما كنتي شريفه و ما عليج كلام .. بمجرد انهم يدرون انج على علاقه مع شاب بيقولون عنج مو زينه ..!!
حتى الأصبي .. راح يقولون عنه راعي سوالف ..!!



هذا كل اللي عندي ..

مريت\ي بقصة حب ..؟
شنو ودك\ج تكون نهاية هالقصة ..؟
راح تتبعين مقولة " تبيني اهلا و سهلا .. غير جذي ما عندي " ..؟
شنو رايك\ج باللي يعيش قصة حب سنين و آخرتها يخون او يقول ماكو نصيب ..؟



هذا بعض مِما لدي ..
إن أردتم إضافة شيء على الموضوع ..
فـ ..
المايك لكم ..