اه

رغم كل الظروف الحاصله والمشاغل !
والمعاناه من جرح السنين العقيمه "

رغم وضع البلاد الراهنه والمشاكل !
والفشل في حكومتنا ورغم الهزيمه "

رغم صوت المدافع وانفجار القنابل !
رغم خوفي تقع تاليت ابونا وخيمه"

رغم ظرفي ورغم اني عن الشغل عاطل !
لا موظف وﻻ اتبلطجت شي في غنيمه "

رغم هذا وذا وانته على البال واصل !
يا وليف الصبا والذكريات القديمه "

مانسيتك وقلبي لك على طول شايل "
حب ماشاله إلا للوطن والعظيمه !

كيف بنساك ياحامل صفات الأصايل !
في الحلا والدلع والمشيه المستقيمه "

في البشر كلها ماشفت حد لك مثايل !
يا حسين الطباع الوافيات الكريمه "

دائم اتذكرك وانته على الخط نازل !
عين يمي وعين الثانيه صوب ريمه "

وان عديت تتعذر بلم الجدايل "
ذي على الخصر مفروشة سرايا ثميمه "

واسترقت النظر عنوه وعيني تخايل !
فيك والشوق بين اضلاعي اوحي حطيمه "

لا رعى الله نصيب استعجلك وانت جاهل !
جاك واهداك لابله لملعون اديمه "

"تمت وللحنين بقيه"