سقا ايام البساطه

مساء الخيرات ايه الاحبه
تذكرت موضوع القصائد الفكاهيه الذي طلب من الاخ العزيز اليافعي
فجاء في خاطري هذه الابيات الممزوجه بالفكاهه والتي تلامس واقعنا وسولفنا انا وجدي الذي ما اعرفه اصلا بس يجيني لما اكون طفشاااااااااااااااان هههه
انشاء الله تنال اعجابكم

حكـى لي جدي الشايب = بعض الماضـي المُدرك
رجع يستذكر الماضـي = وقال إنه زمــان إبـــرك
من الحاضـر ومن وشه = ودوشـاته وكُثر العـــك
تذكـر سالف الايـــــــــام = وجر النهـد واتضنــــك
الا يا ماضــي الايــــام = يا غُبنــي علـــى ذكــرك
سقـا أيام البسـاطه يوم = كل الناس مـن حــــولك
على ُسفره وفي مجلس = وكل الحــاضرين أهلك
حبـال الـُود مـوصـوله = تـزور الجـــار ويــزورك
لا هاـتف ولا كهــرب = سـوى الفانـوس والأتُروك
ولا صـندل ولاسيكـل = ولا مـوتر ولا تـُوكتـُـــوك
ولا مـايكل ولا جنتـل = ولا لكـزس ولا كاديـــلاك
ولا موضه ولا فوضه = ولا في السـوق نتصعلك
وبرمـودا وطيحنــي = وبالمقطـــوع تتشيــــــــك
راس المال عافيتـي = ولا لي أرصده فـي البنــك
ُقُريشاتـي فــر نسيه = تمخـظ عنهـا الافرنـــــــك
درسنا الفقه في الكتاب = وأنتم فـن وميــــــوزك
او ماي قاد،آي لاف يو = وتُوبرنـــي وشــو بدك
دروب الـوقت تتغير = وفيها اتغير المسلــــــــك
اما الوقت نفس الوقت = لا اتغير ولا اتفبـــــرك
فقط ذاك الذي اتغير = وسائــل كلهـا تَكنـــــــــك
مع التطـوير تتصدر = وذاك الاول اسُتهلــــــــك
حياة الناس في زحمه = تتصفـح وتتفسبــــــــك
بين الشات والمنشات = تتجــــول وتتحــــــــرك
على الشاشات والططشات = أصـابعهم تتســوك
عقول الناس مشغوله = بكم الكـام هو والأســك
هُنا في عالم السوشيال = خبايا الحاضر الُمنهك
فيها اسم مستــــورد = وتوقيعــات ورمز ونــك
وفيها الحق والباطل = وفيها الفـوز والمهــــلك
وفيها من مشاعر صدق = ومنها يحتويه الشك
وفيها الواقع الملموس = من حولك ومن خلفك
وفيها تلتقي بأشخاص = لا تُلقــى ولا ُتــــدرك
ولا مره تلـاقينــــــــا = ولي دربـي ولك دربك
ولي ذكرى ولك ذكرى= في قلبــي وفــــي قلبك
وما بين الذي يبكـي = ومابين الذي يضحــــك
زوايا ذكريات الأمس = مــاحد منها ينفـــــــــك
لها وسط الحشى مسكن = ومختومه بختم وصك
تجــاهلنا تناسينـــا = لعــل القلــب يتســــــــلــك
ولـكن كل ما مـرت = به الأيـــــام يتمســـــــك
ُبحب الماضي المفقود = وزاد الشــوق واتملك
شبكني في الهوى وأحكم = ُخيوط الربط والممسك
تاقلمنا مع الواقع = وطيف الذكريــــــات أورك
ورجعت أسمر مع جدي= ويحكي لك ويسمع لك
يسليني من إلي قام = يتفلسف ويتفســــــلك

وجلس يسمر ع التي في = ومستانس ويمضغ علك
وبعده مر من جنبي = معه مشبك ملانه كعك
وجلس ياكل ويتفرج = على الاكشن في التايتنك
وأنا تابع نهائي كاس = بين الصرب والدنمرك
وجاء يسائل عن الأخبار= في البوسنه وفي الهرسك
ولما شافني أضحك = صفعني كف بالمشبك
سلام الله على الماضي = أهملناه وأدربــــك
ويا أسفي على الحاضر= وصلنا فيه أسفل درك

العبيدي
14/01/2017م