العيد جاء والكل عايش بداره

السلام عليكم ورحمة الله

عيدكم مبارك وكل عام وانتم بخير

--------------العيد جاء
--------------
الـعـيد جــاء والـكل عـايش بـداره
وانــا غـريـب الـدار يـاغربة الـدار

الــى مـتـى والـقلب يـوقد بـناره
الـى مـتى شاصبر على حرقة النار

انـــا حـزيـن الـقـلب يـالـلخساره
مـليت مـن كـثر الـهواجس والافكار

الله يــا وقــتٍ سـقـاني الـمـراره
صـحـيح ان الـوقـت خـايـن وغـدار

الـعـيد مَـر الـناس فـي كـل حـاره
وانـا ولا شـفته سـوى عـبر الاخبار

غـريـب والـغـربه تـروهـا خـساره
غـريب في جوف الصحاري والاقفار

الـبـارحه والـنـاس عـندي سـماره
وانـا حـزين الـقلب والـعقل مـحتار

احـس كـن الـقلب وسـطه شـراره
ودمـعتي يـاناس فـي الـخد مـدرار

تــاره مـع الـهاجوس واهـيم تـاره
وتاره اشل الحبر واكتب في الاشعار

واحـيـان لا ولّـعـت حـبـة سـجـاره
اهـيم فـي جـملة هـواجيس وافكار

يـاصـاحبي اسـمـع لـحـلو الـعباره
مـهـما جـفاك الـوقت خـليك صـبار

تــرى الـصبر بـعدين تـجني ثـماره
ومـن يـزرع الاشـواك ما يجني ثمار

انــا تــرى يـامـا شـربت الـمراره
فــي ذمـتي كـلين داري بـما صـار

قـد كـان لـي صـاحب كـواني بناره
وانـا بشر مسكين ما اقدر على النار

صـبرت لـين الـصبر طـال انـتظاره
مـاشـفت مـنـه خـير غـير الـتكبار

مـدري غـواه الـوقت مدري شطاره
خـان الـعهد والـود والعب بالاسرار

فـلـت ولـد دهـمش زمـيله وجـاره
وطـنش أبـو عـدنان مـن دون إنذار

انــا ولــد دهـمش زعـيم الـصداره
فـي سـاحة الـميدان فارس ومغوار

دهـمـش اذا قــرّر يـنـفذ قــراره
يـقدر يـجيبه غـصب لو كان في غار

خــلـوه يـتـهني بـسـوء اخـتـياره
لابـد مـا يـندم عـلى كـل مـا صـار