قالت الهايمه ( كاملة )

شعر : المؤرخ والشاعر مطهر بن علي الإرياني

وهي من القصائد الغنائيه وقد غنّاها الفنان فؤاد الكبسي وهذه القصيدة كامله (مع الأبيات التي لم تُغُنّى)


قالتْ الهايمِهْ
لي خلّ خلف البحارَهْ
غاصْ قلبي وراهْ
ولا رجعْ بالأمارَهْ

خلف سبعه بحورْ
خلّي مهاجرْ ومهجورْ
كم تدور الدهورْ؟؟
كم يحتَملْ قلبْ مقهورْ؟؟

ليتْ عندي جناحْ
يا خِلّ أو قلبْ هَكّامْ
واتْبَعَكْ بالصباحْ
أو في المسا جُنْحً الاظلامْ

يا حَبيبْ ما نَسيتْ
حينْ قلتْ : شارْحَلْ مُهاجرْ
فالغَريبْ في (الوطنْ)
مثلَ الغريبْ في(المَهاجرْ)

قلت : تِرْجَعْ قريبْ
قال : المسافِرْ مُسَيّرْ
والمهاجرْ غريبْ
وما كُتِبْ لهْ مقدّرْ

قلت : ربّي حسيبْ
لا غَيّبَكْ يا حَبيبي
واشْتَعَلْ باللهيبْ
صدري ومَزّقْ قليبي

والعيونْ غَيّمَتْ
وقتَ الفراقْ وامْطَرتْ دَمْ
والشموسَ اظْلَمَتْ
واحْسَسْتْ عمري تهدّمْ

هَلْ لعلمي وهَلْ
با نلتقي يا نَواظرْ
قبل صوت الأجَلْ
يعلنْ فراقْ مالَهَ آخِرْ

نَبْعْ دمعي وَقَفْ
وفي عروقي دمي جَفْ
والفؤادْ بالتّلفْ
والجسمْ من لَهْفَتهْ شَفْ

ليتْ خلّي ظَهَرْ
زايرْ وعايدْ لِمَضناهْ
يدركَهْ في الخَطَرْ
بآخرْ صَدَرْ ربّما احياهْ

ليتْ خلّي وصَلْ
قبلَ الرحيلْ المعاجلْ
في طريقْ ما قَفَلْ
منها ولا عادْ راحلْ

قبلما انْشرْ شراعْ
في عالَمَ الغيبْ سبّاحْ
نحوْ شاطئ ضَياعْ
ترسي عليهْ كلّ الأرواحْ