ما عاد همي جيتك او ذهابك

ماعاد همي جيتك او غيابك
ياللي غيابك ما برا يمه اسباب
العام انا قد كنت اغلا زهابك
واليوم كم ذي هم معك كذب واحباب
كم وجه تتقلد وكم هي ثيابك
كم باب ذي تدخل وكم تغلق ابواب
خلك على كيفك ولله عقابك
ما نا معاقب لك ولا جيت عتّاب
والصبح لو راجعت اول كتابك
غير له العنوان ( رحلة وكذاب )
ياصبح مشرق والحقيقة ببابك
بينت ماضي يوم ظني بهم خاب
كم كنت انا والله حبك وهابك
مغرور في حبك ولا كنت مرتاب
حتى قريت اوراق منه خطابك
في يد مرسولك لكم ناس طلاب
ويش الذي حدك تطرش كتابك
ويش الذي خلاك كا الريح هباب
كم ناس تترجى ولا حد درا بك
كم حرف ذي خطيت باسلوب نداب

راجع كتابك واعرف اللي اصابك
واصلح طباعك لجل تلقى لك احباب

اما انا غيرك على العرش نابك
والحمد لله من جروحك ترا طاااااااااب



طرطشة ادبية