حالة البنات اذا قالوا بكرة زواج

السلام عليكم


ندخل على الموضوع سيدااا لما تجيك دعوة لحضور دعوة زفاف لأحد الشخاص فان الحريم يعلنون حالة طواري في البيت فتلقاهم صافين عند الحمام

من اجل اخذ دش بارد لانهم مؤمنات بالقاعدة الفيزيائية التي تقول الاجسام تلتصق بفعل البرودة ثم يهبون الى غرفة العمليات فتحصلهم مايخلون مراية بحالها

فتلقى منيرة عند مراية التسريحة تتمكيج

وخلود عند مراية الدولاب تركب عدساتها

واحلام عند مراية المدخل حق البيت تستشور شعرها

وفاطمة محتارة اي فستان تلبس وكلما اختاروا لها فستان قالت قد شافوه علي

ورغد تترجى اخوها تكفى ود فستاني للمغسلة وخلة مستعجل

وابتسام متوهقة مالقت الحلق المناسب على الفستان

وشوق تقول لأخوها تكفى مر على جارتنا وجيب الاكسسوار التفاحي

وبشرى انفرط سحاب فستانها وتبي الخياط يصلحة لها والله من السمنة الزايدة

وصجة ولجة وكلهم في سباق مع الزمن


والمصيبة اذا اخذوا مسافة بالسيارة وجت فاطمة تشهق شهقة قوية ويقولون اشفييييييييك قالت
نسيت شنطتي تكفى يبه رجعني

وبعد عناء يصلون الى القصرويدخلون

*************************************************
ومن يوم تبدا الطقاقة بقرع الطبول

تلقى الوحدة تهز وتهتز وهي باقي على الكرسي

ثم يتوافدون الى المنصة** وشف الرقص كيف

الي تحط رجلها من شرق المسرح الى غربة ولا حد يدري وش بلاها

والي تهزوهي واقفة مكانها بركادة على بالها انوثة

وتعال شفهم اذا غنت الدقاقة يالتكسي
وقالت وخذ يمين وبعد يمين تلقا الحريم ماخذين اللفه يمين في يمين طبعا من غشامتهم يتصاقعون ببعض

والوحدة بتتشقق من الفرحةاذا جات الطقاقة بجنبهاوقالت ياحمر ياحمر على قلبي طبعا الفندية فستانها احمر

وتلقى ثنتين يرقصون عراقي غلى ياليتني من عرب شمر وطبعا العجايز منصدمات ومافي الا دعاوي على هالبنات****************

وذا جت اغنية مصرية تلقى الرقص بوادي والايقاع بوادي والي تعرف ترقص مصري تلقى البنات يتشحذونها ترقص وهي ترفض من حقها تخاف يصكونها بعين

والوناسة اذا قالت رقصة خاصة لاهل العريس تلقاهم مستانسين اذا قالوا كل ال فلان خياله وهم ماقد ركبو حصان بالأصل بس يلا لزوم المدح ..

إن شاء الله يعجبكم وأشوف ردودكم الحلوهـ

تحياتي لكم ... عاااشق الريم ..