صدور الفراخ بالمشروم

صدور الفراخ بالمشروم

المقادير:
2 صدر فرخة بالجلد بس بدون عظم
معلقة أكل زبدة
نصف كوب زيت أو زيت زيتون
ملح وفلفل
كوبين مشروم طازج أو محفوظ

الطريقة:
فى صنية او حلة على نار متوسطة حطى الزيت ولما يسخن بس مش يتحرق حطى صدور الفراخ بعد ما تتبليها بالملح والفلفل على الزيت الساخن ويكون الجلد من جهة الزيت وسيبيها لمدة 5 دقائق بدون ماتحركيها
أقلبيها و حطى المشروم عليها و حطى شوية ملح وعلى النار شوية لأن المشروم هينزل ميه و سيبيها 5 دقائق تانية وبعدين حطى الصنية كلها فى فرن ساخن 400 درجة ربع ساعة أو 20 دقيقة لحد ماتستوى
خرجيها من الفرن وأرفعى الفراخ على طبق لوحدها و غطيها عشان ماتبردش وسيبيها 10 دقائق
حطى الصنية على النار وحطى نص كوب ماء عليها عشان تكونى الصوص
ولما الصوص يقل شوية أطفى النار وهتلاقى الفراخ نزلت شوية صوص حطيهم فى الصحن وحطى الزبدة وحركيها لحد ما تذوب و شوية فلفل وحطيهم على الفراخ وبالهنا والشفا
.





يم يم يم
وبالهناء والشفاء