قصة حب موجهه لكل شعراء اليمن اغلى

يا ناس هذا الحب كم له من افعال === كم شفت انا له من قصص مستحيله
البعض هذا الحب سبب له اشكال === وانا معي في الحب قصه طويله
قصه لو اشرحها تشيب بالاطفال === اشبه بقصة الف ليله وليله
لا بد ما اخبر بها كل الاجيال === و اخبر الدنيا قبيله قبيله
حبيت انا يا ناس والحب قتال === من خاض بحر الحب صابح قتيله
حبيت محبوبه لها شوف واقبال === مكحولة العينين حسناء جميله
كأنها غصن الرياحين لا مال === وقوامها ما شفت عمري مثيله
والوجه هلي يا قمر نص شوال === بدر البدور في وسط قبه ظليله
والانف مثل السيف والمبسم العال === والخد لما تبسره يا حليله
وشعرها المصفوف الوان واشكال === سبحان من يعطي عطايا جزيله
وصوتها صوت الربابه بموال ==== وكلامها الحالي واخلاق نبيله
تسوى لها عشرين مليون رجال === والخيل تسوى الف مليون خيله
لكن هذا الحب يا ناس ما طال === انهار هذا الحب في ظرف ليله
صارت لها قصه عجيبه واحوال === بالضبط مثل اللي حصل للجليله
استأسرو محبوبتي بعض الانذال === وكبلوها في سلاسل ثقيله
ووصلوها عند انسان محتال === مكتوفة اليدين حسرى ذليله
وزوجوها شخص كاذب ودجال === ملعون اصله والنسب والفصيله
واليوم مسجونه ورا بوب واقفال === في سجن محد غير ربي يزيله
واصبحت انا وحدي في الارض جوال === وحبيبتي في معتقلها نزيله
وانا رجل لا جيش عندي ولا مال === مافي يدي لأنقاذها اي حيله
يا ديرة الاباء والاعمام والخال === يا دار منبع للشروع الاصيله
نوحي معي يا دار في كل الاحوال === وابكي معي يا ام العيون الكحيله
واستنفري فرسان قومي والابطال === لأنقاذها خلال فتره قليله
جدو معي في المواقف والافعال === من صدق ما ودي مواقف هزيله
اسم الفتاه في المايده قبل الانفال === وبيتها في زاويه مستطيله
وانا معي في البيت للبنت تمثال === و ازاوره في كل سمره وقيله
ثم الصلاة تبلغ محمد مع الآل === صلو عليه يا اهل النفوس العليله