مكسور خاطرها

كلمة سلام ..مساء الخيـر كثرهـا ترى لها وقعها في نفـس مجنونـك . ودي تروووح وتجي .. حتى تكررها ماامل منها ولامن مشاهـد اعيونـك . عيونك اللي قلوب النـاس تأسرهـا من شافها تفتنـه ويصيـر مفتونـك . موتي وانا حي يستوطن محاجرهـا مابيني وبينـه الا غمضـة جفونـك . جابتك لي صدفة ٍ مدري وش آخرها وانا تركت الجميع وقلـت ممنونـك . سلمتـك الـروح تنهاهـا وتامرهـا ياللي أخوانك على زينك يحسدونـك . لك صورة ٍ برهنت عظمة مصورها عجزت اوصفك واتخيلك وشلونـك . لـك هيبـة ٍ ماتخلينـي اناظـرهـا ارفع لك الشوف مير يطيح من دونك . ابطيت وانا المشاعر عنـك ساترهـا وانته تبختر وتاخذني علـى هونـك . واليوم جتك المشاعر هي وشاعرهـا متقاسمين الوجل .. وشلون يرضونك . كلي امل ماتجي مكسـور خاطرهـا وانا اوعدك ماتخونك فيه اضنونـك . والا اعتذر وارفض الاشواق وانكرها وارتح .. وخله يزود هبال مجنونـك . . {راقت لي .. وآمل ان تروق لكم وتنال استحسانكم}