" أحبك " قلتها وهزت جميع الكون وأركانه

تصور يا غلا نفسي غلاتك وش كثر عندي
يذوب الثلج في القطبي وتدفى نفوس بردانه

أبي تعرف قدر حبك وأبي تعرف وش انا ودي
وأبي تعرف وش الدنيا بدون" الورد " وألوانه

مثل ما أبغى تعرف إنك ملكت بدنيتي وجدي
ومحد يقدر في هالدنيا يعيش بدون وجدانه

وإذا والله جميع الكون وقف كله بعد ضدي
" يموت " الكون وما يسمع خفوقي يالملا خانه

يسمع كيف أنا أحيا بك وأموت فبسمتك وأغدي
ويسمع كيف انت ملكت فكر عقلي وسلطانه

صحيح " انسان " لكني وقفت بقلب متحدي
" أحبك " قلتها وهزت جميع الكون وأركانه

وضعت الناس في كفه لأجل تفهم على قصدي
لأجل تفهم قدر خلي رجح في القلب ميزانه

يكفي لا نظرت لي بشوق نسيت اسمي واسم جدي
وذكرت اسمك .. واسم أمك واسم جدك .. مع إخوانك