بدع الشاعر اليافعي محمد صالح عويضان == وجواب الشاعر العودي توفيق الماطري

[size="5"]
((((((((((((( بدع الشاعر الكبير محمد صالح عويضان )))))))))))))))

ابو محسن يقول الراس من كثر الضناء شيب=سنين العمر في غربة فرقت اهلي وأحبابي

ونار الشوق حراقة لهبها في الحشاء تلهب=مضى بي عامي الخامس وانا عائش على اعصابي

ولا حققت بالغيبة أمل كلا ولا منصب =وما حطيت بالجيبين ما بيساوي اتعابي

وبعد الآن يا ساري مع اول فوج لا اتأهب=تدور اين ابو شايف ومنعك رد لي نابي

وخذ له من بخور العود والعطر الشذي مضرب=ولبس بدر باقة ورد من وردي وأزابي

وخص اهله جميعاً عد ما هب الصباء الازيب=واصحابه جميعاً كلهم اهلي وأصحابي

ولا اتخبر علي توفيق قل له صاحبك متعب=شف المهجر ضناني زاد في هجري وعذابي

ولا ابالغ ترى ما عاد لي من عيشتي مهرب=مضى عمري هدر والشيب ذه الساعة على اعتابي

غزاني الشيب منه ما قدرت اهرب ولا اتجنب=وبعد العز وقفني ورجعني على اعقابي
ونسيان المواقف والسلاء يا صاحبي يصعب=وأسباب التباعد والجفاء ما كانت اسبابي

بل الدهر النكد ذي دائماً يعصي ويتقلب=زمان الويل يا توفيق اوقعني بمزرابي

ومهما الدهر يعصيني بأذن الله ما با احنب=بصبري واتكالي والأمل با اعالج اصوابي

وبعد الآن با نسلاء بنثرك يا الوعل الارجب=لأن نطقك شذي دائم ويستحوذ على اعجابي

اصيل العرق والتربية والقربى معك مكسب=ونسج ابياتك الحلوة شبه ابو القاسم الشابي

مهذب طيب الأسلوب وانا يا صاحبي معجب=ورايي فيك ذا دائم وربي يعلم الغابي

وقلب الشرح والسمراب يا ابن الماطري يوجب=وسيب ذي يحبون الماعب حب كذابي

في الراحة يغنوا للبلاء والغير يتعذب=ولا النار انطفت حاول يولعها بكرابي

سئمت الحب منهم والوفاء والبعد لي أنسب=المهم ذي سبق من قبل تعبني وأودى بي

وانا ما احب شي مخلوق يتلاطف ويتأدب=ولي أحساس ظاهر ايش عنده باطنه خابي

كفاية الى هناء يا صاحبي ما هاجسي رتب=ختمت القول في ذكر المشفع خيرة احبابي


(((((((((((( جواب الشاعر توفيق الماطري))))))))))))


بديت القول بسم الله ماشرق وما غرب == اله الكون ارحم بي واشفق بي وادرابي

تعلم ماخفت نفسي وما اعلنت به يارب == فوفقني وارحمني وشل همي واتعابي

واسكن والدي الجنه ونجه من حمم تلهب == وسامحني اذا قصرت بحقك او مع اقرابي

يقول الماطري توفيق ميقات الحليله هب == حليله حين اناديها اليا تحمل النابي

هنا رحب ابو شايف والعود الابي رحب == بضيف العز ابو محسن عويضان اكرم اصحابي

هلا باليافعي الشاعرتوازي كل حيد انصب == اعزه واحترم قدره واحطه داخل اهدابي

له واهله قطفت الورد ويافع ابنهم والاب == فاهله مثلما هو قال هم اهلي واصحابي

ومن بدر الولد يهديك عود المسك وعطر اطيب == انا وياه نفخر فيك .فشل عطري واطيابي

وثاني فصل ابو محسن صديقي قال لي متعب == تسلم ياعز الناس من همك والاتعابي

مانته في التعب وحدك هذا حال من اتغرب == سبب همك تغرابك وهمي في تغرابي

حسبنا الغربه الاسهل وان الغربه الاصعب == واصعب عيش يالغالي عيشك بين الاغرابي

تمسك في حبال الصبر واولادك هم المكسب == وابشر خيرهم قادم باذن الله صبابي

وشف ارض اليمن حبلى وميعاد الرخى قرب == وانا وانته سنجني الخير وباتذكر تحسابي

نتيجة صومنا ذي طال باناكل وبا نشرب == وبانجني ثمار الخير ربك خير وهابي

يشرفني ابو محسن لانه قال بي معجب == شهاده من عريق الاصل شرف لاهلي وانسابي

شاعر والادب كله تعلم منك واتادب == واخلاقك يعلمني ويكثر من تهذابي

انا وياك مانترك لحاقد ساحة الملعب == وكل من يزرع الاحقاد يجني نار لهابي

يمانيون تجمعنا عرى الاسلام والمذهب ==ما حاقد يفرقنا ولا ارباب الاحزابي

سيب البوم في العله يعاني واحذر العقرب == ذي يضحك حسب قولك وحقده داخله خابي

مكان الليث في الغابات والادغال للثعلب ==دامك ليث يابو فضل ماطالوك الاذنابي

ختام القول ابوشايف انا باستغفرك يارب == اذا انا اخطيت في قولي فتب ياخير توابي

صلاة الله على المختار ما مزن السحايب صب == شفيعي يوم يتخلون عني فيه اقرابي
مع كل تقديري للاخ الصديق والشاعر الكبير محمد صالح عويضان
توفيق الماطري =[/size]