لحضات

هذه هديه الى اهل العشق والغرام


لحضات لاغاب عني=يتخبرالقلب عنه

ذيقال انه رحمني =وكنت اناراحمنه

من فيه اعلنت فني =محلى كلامه وفنه

حبيت من صغرسني=جميل في صغرسنه

في حسن يوسف فتني =نساالملك بايعنه

من في صفاته سحرني=عجزت عن وصفهنه

عيناه ذي عجزني=ولقلب قدعجزنه

عيون بيضاوبني=والكحل في اطرافهنه

خدودكم اغجبني =حلمت في لمسهنه

مباسمه اذهلني=ما شفت انا مثلهنه

اسهر بذكره وغني = وحطم الود كنه

فجأه تخلى تركني = سا داخل القلب ونه

ونين قلبي جرحني = من داخله جرحنه

قال ابن هدار حني = يالكبد مليون حنه

على الذي خاب ضني= وخاب بالوقت ضنه

ويالعين بالدمع شني = ذكراه في كل شنه

الخل ذي قد هجرني = وعيناي كم جهدهنه

بالدمع كم سهرني = لاما نزف دمعهنه

ويا الهاجس اقبل وعني = وجب لي اخبارعنه

وقله في العشق اني= وسيد الحب انه

في بحر حبه اسرني = وقلبي معه راهننه

وقله لماذا ضلمني = هل كنت انا ضالمنه

يقول وش جاه مني = وباقول وش صار منه

ما صار انه طعني = طعنه تودي المجنه

وغاب ماشي ذكرني = شهرين حتى برنه

ومن نضرته قد حرمني = سكين في القلب سنه

ناديت له ما سمعني = يرجع انا سائلنه

رفض وصدق قتلني = لنذال ذي علمنه

لو كان مخلص فهمني = با عيشه وسط جنه

وبانومه وسط حضني = وبرتاح لحضه بحضنه

نسي بانه وعدني = واني انا واعدنه

ينسى بانه عرفني = واني انا عارفنه

مادام قلبه كرهني = با قنع القلب منه

وبا يخلق اللي خلقني = غيره وهو خالقنه