مو كل من حط وردة ودبدوب رومنسي ؟...؟ للفرفشة فقط

تحذير عاطفي ماشي 160 كيلو واط كيلو سكر بالدقية / يمنّع من هن أقل من 18 سنه بدخول الموضوع


سلآلآمـ عليكمـ ..





كلنا ندري إن البنات يحبون الفشخره والكشخه اللي مالها سنع وكل وحدة
تقول عندي الزين وأرده بالاحلى وهي والله ماعندها ماعند شغالتنا الفلبينية




شوفوا اللي بتطنقر من كلامي وبتعصب من الحقيقه لاتلوم إلى نفسها
مهوب يوم بكتب لكم الحقيقه تعصبون علي .. وش أسوي هذي حقيقتكم المره
دبلتوا كبودنا كل وحدة مسويه حالها نعومه وهي دفشه وتسوي حالها رومنسيه
وهي دبشه وتسوي حالها برستيجيه وهي حتى تطقيم لبسها ماتعرف



مو كل من شرت دبدوب تطلع رومنسيه أنا مانام إلا دبدوبي بحضني يااااي تكفين صدقتك حاضنه خيشه بصل وتقول دبدوب ياعمي طير بس
(( حاس كم وحدة الحين مبققه عيونها فيني وتقول هين يالدب ))



أجل وحده تقول تصدقون اليوم شريت شمعات ووهـ بس على روعتها
وهي شاريه شمعات أم نص ريال اللي تجي درزن 12 حبه بسته ريال



ولاا الثانيه تقول أنا الحين منسدحة على سريري وهي تقول ددسن منقلبه
على غمارتها من كبرها .. الوزن الله لايوريكم لو سافرت على طياره أخذوا عليها
رسوم ( شحوم زايده ) كله من البطاطس لابارك الله فيه




حتى الميك أب ( مدري كيف كتبتها صح ) ماتعرف تشكل وجهها تقولون فأر طايح في طحين
( ولا اللثام او البرقع او النقاب صايرن أحمر وبني من كثر مايطبع فيه اللي بوجيهكن )



إلا متى وأنتم كذا ؟ تعلموا الحلا ياخليجيات من جدّ شيء يحز الخاطر ويقولون ليش للحين
ماتزوجتوا !! نتزوج بنات خاليات من الرومنسيه ( اللي مره مره رومنسيه تقول ارش برقبتي عطر )



يبي لكم بصراحــه دوره في فن الرومنسيه بفرنسا .. نبي نرسل قروبات هناك
علشان ترجعون لنا وكلكم رومنسيه ( أما فرنسا مره وحده .. لو للبنان يمكن بس تعرفون الوضع
هونيك بالحيل مايطمن وخوفن على سلامتكم بنرسلكم إلى فرنسا )



من جد إلى متى وانتم كذا .. غيروا طريقتكم بالحياه خليكم ذوق في كل شيء لبسكم جسمكم
وحتى مشيتكم يبي لها



ماقول غير الله يكون في عوننا من جيل خالي من الرومنسيه



(( بنات كم وحده معصبه ))

امزح معكم للفرفشة فقط

(تحياتي)

قررت أنساك