لعب التيل وزمان البراحة

ونيت ونت من تزايد صياحه
من فقد وقت فات قاعد يوني
عود جلس دايم بوجهه سماحه
يسمع الصوت الرادو اللي يغني
متذكرٍ ماضيه ما هوٍ براحه
يقول راح فلان وفلان عني
وقت العريش وقت ذيك البراحه
اليا ذكر ما فات دايم يحني
ايام سوق الجت ويا انشراحه
وليالين راحٍ ولا يرجعني
ولعب التيل ويا زمان البراحه
ولبس البخانق والبني يستحني
ما هوب وقت اليوم كله شفاحه
الرجل ما يقنع ولا يرجهني
قلب العنا زادت وكثرة جراحه
ومن سبت اللي صار لي قمت اوني
واليوم وقت العولمه في نجاحه
قولٍ صحيحٍ وأخذو العلم مني
بعض الشباب اليوم غير وشاحه
لبسه غريب وصاير تقل جني
من عاش شاف أن كان تبغي الصراحه
أخر زمن شفنا كثير الفتني
وقت على ما قيل ما فيه راحه
لا شك ما ينفع كثير التمني