<<<<<< .... عذوب....<<<<<<<

. يا عذوب القول سامحني وقول
عذرك اقنعني ولازم اقبله
دوم هذا طبع اولاد الاصول
من يعزه واجبه يتحمله
الموده سيدي ماهي فضول
والصفاء يستاهله من يبذله
ياطبيب القلب لو صابك ذهول
اذكر ايام الهيام الاوله
اعرفك طيب ولك طرفاً خجول
من سواك الطيب انا ما اسئله
الخفوق اللي سمح لك بالدخول
صار لك داراً وصرته له هله
انت اسباب المشاكل والحلول
وانت لي اخر ودادي واوله
لوتموت الورد في لحظة ذبول
ما يموت اسمك محاله اجهله
عشت انا مابين رفضك والقبول
ارتضي اعذب كلامك واعقله
وانت تعلم يا الغلا حجم الميول
وتعلم انك كل نقص تكمله
عشقك الجوهر وحبي فيك لول
وما تريده صدق اني بفعله
كيف اصدق ان احلامي تزول
الامل واقع وما هو مهزله
يا عسى يا سيدي عمرك يطول
منك اطلب رد وارجوك ارسله
واعتبرني لك محطات الوصول
واذكر انك بي ضربت الامثله
انت ايامي والاشهر والفصول
لك سلامي والموده والوله .


************************************************

(تحياتي)

قررت أنساك