جديد الفهد

االسلام عليكم اخواني واخواتي الاعزاء هذه الابيات كتبتها بشامي وتم المجاراه من قبل الاخ نسل السلاطين

عسى ان تعجبكم


لفهد
عالبــبـي يلـعـب عـا ألبــي **شـو يعـني لك هيك جنان
شــو بـــدك تعمــل ياحبــي**شــو انــتا فــاقـــد حـــنان
عــن جـــد منور لي دربـي**لـك مافـي مثـلــك انــسان
لو بدك برقـص لــك غـربي**لــك خـذ البــي بالمـجان
بـس أوعــك يازيــن تخــبي**مابــدي شــوفك زعـلان
بــدي أعلـنــها فــي شعــبي**واضـرب عندك بالمليان
يابلــسم جـــرحي يــاطـبـي**يامــداوي قــلب الولهـان
لــو يكــتب عــــنك المتنـبي**والـفرزدق كــان وكــان
يـــالـــب الــقلــب ويــالبــي**مــافيــهم يعطـو العنوان
يامشــاركني اكــلي وشـربي**يــارتبــة قــايد اركــان
ياخوفــي مدحــي لك ســلبي**واشــواقي للنـاس تـبان
لـــو دايــم بتعيــش بقــربي**بعـزف لك اجمل ألحـان
لـك مـد الفنـجـال وصـبي**واروي لي البي العطـشان
آلــت شــــومــــومــتــربي**ألـــت لهــا والله سلـطـان
فــي الــبي نــيران تــشـبي**مش هيك يسوو الخـلان

نسل السلاطين
اهــلا وسهــلا بـــك ياللــمبي**منـــور والله يالعــشــآن
هــيك الحــب الحـب العربـي**يغـلي فـي البـك غِــليان
مره طحـــت وكسْرت ركبي**وامشـيت المشـفى تعبان
والقــيت الدكــتوره روبـي**تــتــبـخـتـر مـثل الفرسان
آلت لي شــو بــك يابـبـي**عــم تــبكــي زي الغــلمان
ألــت لها انطمي وانشبي**داوي لي عظمي المرضان
آلـــت اوعــى لتعــصب بي**واعــمل لــك إبره كمان
ألـت الابــره بتــخـرف بي**مـــابــدي حــقنه جـــبان
ضـحكت آلت ارب جنـبي**مــن شـان الله أرب هـان
ألــت لــها لجـلك رح نحبي**واعمــل لك دبــكة فنان
حبــك والله ألــبي يــســبي**خــلاني تــايـه خــرفــان
آلــت أفــكاري تلــعب بـي**لجلــك حـطمر بالطوفان
ودي هــيك وهـــكا يـــابي**تــكرم لي عـين الشيهان
تمــينا واصــبحنا لــوبــي**واصــبحنا روح وشريان
مرت فــتره وبــان المــخبي**ألبــو لـه عــدة الـــوان
الله محــيي اصــلك بــابـي**يــامــا ألــت اللـي زمان
اوعى الحب الحب الكدبي**ووعى يبـني من النسوان
ألــت إلــك لا والله مـابـي**ســجل فــي ألــبي هويان
هـســع سامحــني ياربــي**واغـفر زنبـي والعصيان
يلــعن هيــفا بنـت الوهبـي**يلعـن تـامر مـع حــسان
يلعن لـنترنت والاف بي**يلعـن شـاشــات الاعــلان
بطولة صــارت بالاولــمبي**نلــعب احـــنا بالميدان
واتقــابلنا وقــت الدربـــي**حــزي دايم بالخــسران

وسلامتكم