&&&&الياسمينة&&&&

. قالت: ادعي لي يجوز الله .. يوسعها عليّه
ضيقةٍ ضاقت وربي .. من سبايبها المدينه .
. ضيقةٍ حطت بقلبي .. ألف جرح .. وألف كيّه
لين صدري لدلهم الليل .. بكّاني ونينه .
. قلت: يا كيف اتضايق .. بنت مثلك شاعريّه
ناعمة ، عذبة ، رقيقة .. مثل ورد "الياسمينه" .
. والسهد ياكيف يسكن .. في عيونٍ نرجسيّه
والشقا يا كيف طالك .. لين صرتي له رهينه .
. يوم صارت تشتكي لي .. قلت: يارب البريّه
هوّن الكربة عليها .. لين تحضنها السكينه .
. جادلٍ تكتب حروفٍ .. راقية ، عذبة ، نديّه
ما قريت إلا الثمينه .. وانتظر منها الثمينه .
. بنت بدروب المحبه .. مالها روحه وجيّه
قلبها بأول دروبه .. ما خذا احدٍ حنينه .
. ليه يا كل العذوبه .. مشقية روحٍ نقيّه
بنت مثلك مو حرام .. تعيش دنياها حزينه .
. والله أني من سبب ضيقتك .. والهم وخويّه
صرت أشوف الهم يبرالي .. وجوّدني يمينه .
. روحي الله يسعد أيامك .. ويجعلها هنيّه
وتصبح آمالك حقيقه .. وحلمك اللي تحلمينه .

للشاعر : عبدالعزيز الجراح

(وسلامتكم)