اتركي شي لذكــرى العـاشــقـين

(( ذكــرى العـاشـقين ))

مـا كنت اصــدق إنك إنتـي ابتجــــين
كنت حـاســبها مـزوح(ن) فـي كــلام

يا كــثر مـا كـنتـي لقـلـبي تـوعـــدين
ما تجــين .. وقلبي ما يحــمـل مــلام

بس هالمـــرة صــدق وعـــد الحــنين
نور وجـهـك كاســر(ن) قــيد الظــلام

في حــضـــورك لــون هالدنيــا يـزين
تمطـر اشواق(ن) بصدر(ن) فيك هام

مـن ورود الشـــــوق قــبّلت الجـــبين
قـــبل لا كـــفـك يصــــافحـني ســــلام

ما نقـضـت العــهد وحـالف لك يمـين
باقي(ن) صـبري على نفــس المـقـام

ارســــمي اللوحـــة كمـا كـنتي تبـين
وحـــددي لـي وقــت لبلــوغ المـــرام

بـس وعـــــد إنـك لقـلـبي ترحـــمـين
رحــمـة(ن) للـي بدت مـنه العــظـــام

طــالبك لحــظة فـ حــضـني تســكنين
لحــظة تسـوى بالمـشـاعر عـمـر تام

عــيني افـ عـــينك إذا إنك تجـــهـلين
ما خــطــر بالبــال عن وصـلك وحـام

حـــلم يتحـــقـق لـو إنتي تسـمـحــين
حـــلم ابي ينـزل عن مـتون الغــمــام

في ضــفاف نعــاس جــفني لك يبـين
جـــابه المـيعـــاد مـن عـمــق المــنام

مـدري بالوقــت اللي باقـي تلحــقـين
وإلا تلقــيني من الحـســـرة حـــطــام

كل خـــوفي بعـــد ســـاعة ترحـــلين
تتـركين احــسـاس من عـقـبك يضـام

خـايف(ن) لو نفـترق بضـعة ســنين
تنمـحـي من البـال لحــظـات الغــــرام

اتركي شي(ن) لذكــرى العـاشــقـين
ذكرى ترســـم بســمـتي في كل عــام