جديد الشاعر نايف سيف العيوي قصيده من 50 بيت ((الأمل والفساد ))

قصيدة الشاعر / نايف سيف علي العيوي
بتاريخ 27/5/2010م
قصيده مكونه من 50 بيت
(( الأمل والفساد ))

[poem=font=",6,green,bold,normal" bkcolor="transparent" bkimage="" border="double,10,black" type=1 line=0 align=center use=ex num="0,black""]
يقول أخوسيف قالو ضاع فينا الأمل=يوم أصبح العيش في أرض اليمن مستحيل
وقلت مهما يقولو مافقدنا الأمل=مادام والقلب ينبض ماعزمة الرحيل
مهما تكون المآسي والتعب والعلل=لابد من يوم يتعافا الفؤاد العليل
والجو يصفا ونكتب من حسين الجمل=وبعد شرب الملوث نشرب السلسبيل
شباب نسعى سويه نستعيد الأمل=اليد باليد نحمي كل منجز جميل
نحمي وطنا ووحدتنا دفاها السبل=الروح والمال تفداها وهذا قليل
نساند أحرار شعبي والمشير البطل=وحده أو الموت والله مارضينا بديل
نعمل سويه علا تصليح كل الخلل=لن الخلل لاتصلح باتدور العجيل
أما متى الباب خارب من رفل له رفل=يحرم علا شعبنا الراحه من المستحيل
ياكل فاسد عنو مهما الشباب أحتمل= فسادكم بايقع بعدا نظيل النظيل
لابد من يوم يد العدل ليكم تصل=ويحكم الشعب فيكم حكم ماله مثيل
وتدفعو كل ما عاناه شعبي دبل=لن الوطن ملك كل الشعب ماهو سبيل
مابأقبل أسكن صحاري وأنت ساكن فلل=ولا أقبل الجحش مركب وأنته آخر موديل
ألى هُنا يكفي الفوضى كفى ماحصل=لاما أعتدلتو نبشركم بضرب الصميل
شباب وقت الشدايد مايهاب الأجل=وللمنايا يعانقها عناق الخليل
هم الأمل لو يقول البعض ضاع الأمل=لأجل الوطن ماحدا منهم بروحه بخيل
هي باتدور الدواير من معه سيف سل=في يوم ماتسمع إلا الحنحنه والصليل
الوقت هبه بهبه ماتفيد الحيل=ومن قتل بايجي له يوم يصبح قتيل
ومن تهاون بوضعي لا قبل له عمل=ومن قبل غيرها العزه فماهو أصيل
وعزة الشعب بالوحده رفضنا الجدل=مايرفض الوحده إلا كل خاين عميل
نجدد العهد للقايد ومهما حصل=من الشوايب نناشد لا الحموله تميل
هو صانع الوحده العظمى ومن لي سئل=عن قايد الشعب جوبت الزعيم النبيل
من للمخاطر تحداها وعانق زُحل=لأجل اليمن قد تحمل كل جاير ثقيل
شباب هذا أملنا وأنتو أكبر أمل=وأنتو لنا الخير وإلا الشر ياخير جيل
ميثاقنا مانفرط فيه مهما حصل=شعارنا الخيل فالميدان يصهل صهيل
ولا نصدق ذي الوضع الأليم أستغل=من قبل شعبي عرف ناصر وعبد الجليل
قالو لي اليوم بانفرش لك الأرض زل=وقلت يستر ألهي منكم يازميل
لا الشمس تنفع ولا ذاك الهلال الهمل=والحق والنجمه الحمراء وغرس النخيل
في عهدكم صفر المخزان وأصبح عطل=واليوم لو تمسكوها كيف ياجنجويل
لا للفساد المفشا ذي لشعبي قتل=ذي دق الأخضر مع اليابس وكوده يكيل
لابد مانعرف الفيروس من له نقل=ذي عل شعبي ولابد أجتثاث الفصيل
لو كل فاسد متى أفسد حكمه المعتقل=مش ننقله من مكانه أو نقل يستقيل
شبابنا بالشباب الحُر عز الدول=متى صلحتو صلح شعب اليمن ميل ميل
مامن مشاكل في الدنياء بدون أي حل=دستورنا والشريعه بالحلول الكفيل
كل الولاء للوطن وحده تعيش الأزل=ماحد مفوض علينا أو علينا وكيل
لا للعمالات والإرهاب وأهل الشيل=ذي دمرونا ولا للفكر ذاك الدخيل
هذه بلادي نحاذر من قرار العجل=ومن تعجل فبانلقي دماهم تسيل
ياريح مهما عصفتي باتلاقي جبل=ماأهتز والحب ذي وقزه فقلها فقيل
ماتحمل النمله السوداء حمولة جمل=وجسمها فالصحاري ماأحتمل رفس فيل
مايطلع الحيد ذي من قبل منه نزل=وأحنا طلعنا وعدينا ثره والنقيل
عدن تعانق ربى صنعاء الجمال أكتمل=يامحسن البن بين الهيل والزنجبيل
مافايدة جسم نصفه قد عدا به شلل=بلا مناعه وللفيروس يصبح سهيل
علا علاجه بذلنا جهد ماحد بذل=مثله ولاكن تعافى بالعلاج الطويل
في عام تسعين مايو كُل حُر أحتفل=من الطوال أتحدنا لا سقطرى أرخبيل
ومن تربص لقتلي عمد وإلا زلل=باننصحه لا يقع له تاليت بوهديل
كم يا وكم غيركم حاول ونال الفشل=وضيع العز ذي عاشه وصبح ذليل
باترحلو مثل ذي من قبلكم قد رحل=متى أستمعتو لذي قالت وقالو وقيل
الشعب ضحى وناظل من دماه أغتسل=مايقبل التفرقه وأفكار حاقد رذيل
هذه حروفي ووحدتنا سكنها المُقل=كذاب ياذي تقول الدايره مستطيل
هذه بلادي وفيها مافقدنا الأمل=هذه بلادي ولا ودي عليكم نطيل[/poem]