كيف انا آصبر عيوني .. عن عيوني ..؟!!

تفاصيل المكان


لاتوصّي........
خذْت بالي....
........... من زهورك..
عند بابك
كل زهرة .. كل ساعه .. وكل لحظه
ارتوت من دمع عيني..
في غيابك..
من غيابك..
لاتوصّي
خذت بالي..
من تفاصيل المكان
كلها عقبك حكت لي...
شوق واشجون وحنان.
واشعل اشموعي أماني..
في كفوف الشمعدان...
كل ليله.. ياحبيبي ..
......تشهق انفاسي عطورك..
ذي قزازتْك القديمه...
مابقى فيها سوى نفحة وصولك..
ايه والله..
خذت بالي..
من مخدتْْك الحرير.. ماتنام الا بصدري..........
وفي الركن جنب السرير...
صورتك
... تسكن غيابك ...
ياغيابك.....
واستمع لاعذب أغانينا زمان
(وربي طالت الغيبه...............
.............. وقلبي ويش اسوي به)
حالمه هذي الأغاني...
وللمعاني .. في غيابك
من غيابك... شكل ثاني..
ولاتوصي..
خذت بالي...
من سهر عيني..............
ومن شارد خيالي..
ياليالي..............
أسألك باللي نثر...
في صدرك الداجي نجوم.................
ومن كسى... وجهك قمر.............

قد نامت عيوني ,,,, قبل عيني تنوم؟!!
علميها ياليالي,,,,,,,,,,
قبل لاتغزي ظلامك
خيل نور الشرق...
ويحضن نجمك القمرا...........
ويسجع في غيابك ورْق
وعلميني ياعيوني.
كيف انا آصبر عيوني .. عن عيوني؟؟!
لاتناديني .. غياب..
ولاتمنيني... سراب,,,,,,,,,,,,,,,
واقلبي صفحة غيابك..................
.......... بالكتاب
عجلي هيّا تعالي
شققي صدر الليالي.........
والثمي .. وجه السحاب..
إملي الكون ابغرورك
... ياضيا ليلي ابنورك
لا السَحَرْ... طبع السِحِر ... في حضرتك من طلتك....
ياكثرها غيبتك....
والا اشكثر من غيبتك............
صبري تبعثر .. وانكسر..
ولاتوصّي...........

خذت بالي ........
................. عجلي هيا .. تعالـــــي

الشاعر الشيخ / فهد بن غانم أل ثاني