مبروك للي صار عقبي مكــاني..

سافرت عني يوم أنا لك تمنيت
وتركتني بعدك لهم ابتلاني

ما كنت أظن أني من القلب حبيت
وأن الهوى في بحر حبك رماني

كنت أسأل الجدران وأركان هالبيت
وين الحبيب اللي يعزه كياني

يا صاحبي تدري بغلاك وتغليت
ولا قسيت وزاد فيك امتحاني

مدام بفراقي يقولو تهنيت
مبروك للي صار عقبي مكاني

وش في يدي والحين عني تخليت
مدري ألوم الحظ ولا زماني

كنت أتذكر كل مرة بها جيت
واشعر بشهقة خافقي والمحاني

لاجو بذكرك دمعة الفرح هليت
وتتلعثم الكلمة ويثقل لساني

بس الحقيقة ليتني ما تماديت
وليت الأمل من شط يمك خذاني

دامك تحس بضيقتي يوم ونيت
وعقلك فطين وفاهم بالمعاني

ما عاد ينفع لك غلا عنه سجيت
بأنساك وأرخص للغلا من نساني

مــــما راق لي احساسي
اتمنى تعجبكم
تحيــــــــاتيـــــــ..

ياللروعه كلمات راقت لي

دمت بعافية يالغلا

مروركم اسعدني كثير

بس الحقيقة ليتني ما تماديت
وليت الأمل من شط يمك خذاني

شعر قووووووي وهمسات ولا ارووع
تسلم يد ناقلها زعيم
كل الشكر لك

تسلم يالغالي على مرورك

مبدع ورائع سلمت اخي ابو اصيل
على روعة الاحساس ننتظر الزود
من صوبك اسعدك الرحمن بوركت

يسعدك ربي اختي الفاضلة لؤلوة

مساءك شهد

كلماتك الراقية المشاعر

تأخذنا لعالم الجمال الساحر

سلمت وسلم نبض قلمك الراقي

احترامي وتقديري

جوريتي لقلبك

تسلمي اختنا الغالية احساس