اريد اتغزل باسمك

اريــد اكتب شعر واتغــزل باسمك

لان اسمك جميل وجاي من رسمك


اذا مو الك اكتب المن لعد اختــــار

صدكنـي الكلب مشتــــاك يكتبلــك


احتــــار القلــم لمن جبت طاريــك

يكلي الورق يخجل لو كتب اسمـك


صفن بيدي القلم وصرت اني احاجيه

ويكلــي بصراحة شــراح اكتبلـــك ؟


ما الوم القلم وجم قلم بيك احتـــار

راح ابدي بجمال الــروح اوصفلك


ضحكاتك غزل يا كامل الاوصاف

واشفافك عسل والورد من عطرك


عيونك شمس والخرزة من المـاز

وخدودك كمـر يا ساحر بحسنــك


ثغرك من يبتسم كل البشر يحتار

لان شفتك ورد والورد من شفتك


شعرك من خيوط الشمس مغزول

ورموشك قَـزح يا شاعر بهمسك


شخصك من يمر الروح مني تروح

لان شافت كمـــر عــالكــاع يتملــك


وعيوني من تشوفك تبقى تحلم بيك

تحجيلك شعــر والرمش يعزفلـــك


مو كافي وصف يل بيك حلو أطباع

بس شوصف بعد لو رايد اوصفلك


فداك العمر وحتى القلب و الروح

ولك كلّي فداك .... اتريد احلفلك ؟

كلمات رائعه اخي
بس عن اذنك انقله الى قسم الخواطر

شكر لك على الكلمااات الحلوووووه

راقت لي كثـــير .. يسلم لنا ذوقك ..
طرح راقي كـ رقة تواجدك ..
سأكون دوما بين طياتك المتمــــــيزه ..
أرق التحـــايـا ..

اشكركم جميعا على مروركم الطيب
مشكورررررررررررين

يسلموا والله عالابداااااع
ربي يعطيك العافية ويبارك فيك
دمت بخير
ودي قبل ردي

مشكوره اختي الياسمنيهعلى مرورك