مقتطفات من اجمل القصائد الشعرية

مقتطفات من اجمل القصائد الشعرية




كلام في الحب ..
ونفحات هادئة وقصائد تلونت بالجمال والبوح والشجن
خطتها أنامل المبدعين لترسم لنا على صفحات الورق حروف من ذهب











طاريك ... سعـــــــادتــي



ياشين حكي اسمعه ما فيه طاريــــك


لاشك أداري ضيقتي عند الأحبــــاب


وإن طالت الجلسة ومحدٍ حكى فيك


تروح لك كل المشاعر بلا حســـاب


وأعيد أذكرهم بسالف لياليـــــــــــك


قصدي أجيب لسيرتك عندي أسبــاب


ما عاد يسعدني ابد غير طاريــــــك


ولا عاد غيرك صار للقلب جــــذاب







حزن صـــادق


هلابك غيمة تبكي دموع الشاعر المجـــروح


هلابك شمعة تضوي ظلام الخافق المنضـــام


هلابك بلسم لجرحي تداوي قلبي المفضـــوح


هلابك دمعة سالت على خد الأمل قـــــــــدام


هلابك عد ما أمطر سحاب صامت مجـــروح


هلا يا مبكي حروفي على صدري بــدون آلام


هلابك فاضح سري ومجبرني عليه النـــــوح


هلا بحزن ملازمني وساكني كثير أعــــــوام







أبنسى .. بس .. نسيانك !!


أبنسى .. لازم أنسى .. كيف أبنسى وانتي بعيني


على حد الرموش انتي واشوف الكون بعيانــــك


اببعد .. لازم أبعد .. كيف اببعد وانتي سنينــــي


أعيشك يا حياتي والضياع المر عنوانــــــــــك


عرفتك قبل أعرفك ساكنة في كل تكويـــــــــني


تغنين بحنان مسكنة في خافق انسانــــــــــــــك


خذي مجنون حرفي يا ( ... )..لا..كلي اخذيني


أنا اخاطب جنونك يا ( ... ) وريني جنونــــك


احس اني بدونك شئ اساسي ناقص فينــــــــي


واحس انك بدوني ناقصة وانا على شانـــــــك


ابيك وميت فيك وعلى الفرقا تحدينــــــــــــــي


بذرت الك الوفا واللي حصدته منك جحدانــــك


انا وشلون اببرى من صوابك وش يداوينـــــي


ياليت انك تجودي بالشفا واشفى من ادمانــــــك


شربتك من ضماي وجف وصلك في شرايينـــي


حضنتك بالعيون ومات همي بين ذرعانــــــــك


ابنسى .. لازم أنسى ؟ كيف أبنسى وانتي بعيني ؟


تبين الصدق أبنسى .. ايه أبنسى .. بس نسيانك






عطشانتك


متغلية لكن عليك انت ما أظـن


ياسيد الدنيا وسيد حياتــــــــــي


تستاهل أكثر من غلايه بلا من


يا راس مالي بالوجود وغناتـي


ان قلت احبك ودي انك تطمـن


قلبي يقول اللي تقوله شفاتـــــي


من غير ودك وسط روحي تمكن


من غير صوتك لم باقي شتاتــي


دنياك تهوس يعلم الله تجنـــــــن


وأنا بروعة عالمك يا حلاتـــــي


أقول ابهرب من جنونك وهــوّن


أعرف هروبي من حياتك وفاتي


باقولها في عالي الصوت وأعلـن


عطشانتك يادجلتي يا فراتـــــــي









مســــــافاتك



أعرف أجف في عيني وأعرف أسيل من عينك


وأعرف أضيع لين ألقاك مع دربي وخطـــواتي


اذا انتي ما عرفتي وين قلبي كيف تلقينــــــــــه


وإذا انتي ما مشيتي يوم ما تقصر مسافاتـــــــي


أنا فيني مسافاتك وانا كلي عناوينـــــــــــــــــك


تروحين وتجين وما وصل حدك نهاياتــــــــــي


على صدري نبت عطر أظنه كان بيدينــــــــــك


ياليته ما وشا صدري عن اللي كلم سكــــــــاتي


تعالي قسوة يركع لها ضحك عرف لينــــــــــك


انا سلمت بيد ذنوب حزنــــــي كل زلاتـــــــــي







ما عاد تستاهـل



كل حاجة طعمها مر في هالزمـــــــــان


هم هالدنيا وحنا نعيش لهمهــــــــــــــــا


المكان اللي عرفناه ما عاد المـــــكـــان


والقلوب أحداث الأيام زادت غمهـــــــا


صاحبي حتى أنت ما عاد تستاهل حنان


انت بعثرت المشاوير وانت تلمهــــــــا


صاحبي لو كان للناس والدنيا أمــــــان


ما تموت ورود الأحلام قبل نشمهــــــا






قرب الأغراب


حنا ظلمنا الحب في قولنا احبـــــــــاب


نجرح سمو الحب .. نجرح عفافــــــــه


في وقتنا ضاع الهوى حرف بكتــــــاب


في وقتنا أعلن عطانا جفافـــــــــــــــــه


وصف المشاعر رعشة يدين واهــــداب


وما بيننا دين المشاعر مســـــــــافــــــه


نخون .. نخلق بالكذب عذر واسبـــــاب


نكذب .. نظن الكذب فن وحرافــــــــــه


نقرب ولكن قربنا قرب الاغـــــــــــراب


يضيع كل العمر منا حسافـــــــــــــــــه


وإلا التقينا من تعب طوله غيـــــــــــاب


نوصف عذاب البعد وصف الكلافـــــــة


أنا أشهد ان الحب عايش بلا أصحــــاب


وآمنت بإن الحب وهم وخرافـــــــــــــه

تسلم الايادي الي كتبت
كلمات اكثر من رائع
تسلم يالفهد على المجهود الكبير
يعطيك الف عافيه مبدع دائما ونشيط
الله لايحرمنا منك يالفهد

يعطييييك الف عافيه خييي الفهد
كلماات حلوة قووي
تحيتي لك

طرح رااائع جداَ
يعطيك الف عاافيه اخووي ع الطرح الرااقي
ولا عدمنا تواجدك المميز

تسلم اخوي فه على هذه القصائد الرائعة

لا هنت

يسلموووووووووووووو عمو ابو حاتم
ولك انت ابوو الذووق
يسلمووو ابضااي

الــــفهد
كمآ عهدنآكــ ..
رآقي بكلمآتكــ ..
ورآئع بوجودكــ .
فلاً استغرب كل هذا الجمال عندما تحرك يدك القلم

ولن استغرب هذه الجواهر عندما تحمل توقيعكـ

لك باقات من الزهور

المشاركة الأصلية كتبت بواسطة السواح

تسلم الايادي الي كتبت

كلمات اكثر من رائع
تسلم يالفهد على المجهود الكبير
يعطيك الف عافيه مبدع دائما ونشيط

الله لايحرمنا منك يالفهد

الله يسلمك يالسواح

اسعدني جدا مرورك

المشاركة الأصلية كتبت بواسطة هيـــا

يعطييييك الف عافيه خييي الفهد
كلماات حلوة قووي
تحيتي لك

الله يعافيك خيتو

نورتي الموضوع بطلتك

المشاركة الأصلية كتبت بواسطة شموع الغرام

طرح رااائع جداَ
يعطيك الف عاافيه اخووي ع الطرح الرااقي
ولا عدمنا تواجدك المميز

الله يعافيك اخت شموع

مشكووورة عالمرور الراقي