يا جن كيف اوضاعكم

ياجن كيف الحال وكيفو وضعكم..
قولو لنا بالصدق لاتخبو عننا..

احكو عن الوضع هاتو لنا ماعندكم..
وهل حالكم ياجن سعما حالنا..

من اجل اجاوركم او اجلس عندكم..
ولا دعيناكم وتاتو عندنا..

وكيف الاسعار والصرف عندكم..
والنفط والقمح وادوات البنا..

وهل مشايخكم بتنهب ارضكم..
واطفالكم متبهذلين كطفالنا..

والكهرباء هل هي مسرج حولكم..
ولامعاكم فوانيس مثلنا..

وبكم الزواجه محدد بشرعكم..
وهل في العرس زفه وانا يابو ينا..

قالها الجني سمعنا قولكم..
ياجنبي لا تقارنو انفسكم بنا..

اقول لك الفرق بيننا وبينكم..
قلوبكم ليست مثل قلوبنا..

الحسد والغل مزروع بينكم..
والنفاق فيكم وماهو طبعنا..

والعيش والملح مايقطع بكم..
واحنا بلا ملح يقطع عيشنا..

وبينكم البين تسفك دماكم..
وتقولو إلجن جاو بيننا ..

صح انني جني بس ربي ربكم..
لنا مبادئنا ونعرف ديننا..

وكلما دعيتونا نجي ونشلكم..
نقول يارب من الانس نجنا..

والصرف هابط وحالنا احسن منكم..
وحقنا حق مشروع عندنا..

ومعنا مشايخ بس محنا مثلكم..
نشجع الضالم يوقف ضدنا..

والزواجه عندنا ارخص منكم..
الكل متزوج ومن يثني ثنى..

واعرافنا واسلافنا هي مثلكم..
نغني ونرقص والناس عندنا..

قلت ياجني خذنا عندكم..
اشتي ارتاح لو ما يصلح حالنا ..

؟ ـــــــــــــــــــــــــــــــــــــــــــــــ؟ 💔
؟
‚🔐َِ⛓️🔐َِ⛓️ ــــــــــــــــــــــــــــــــــــــــــــــــــ ــ؟

هههههه سير عندهم وحدك انا مالي دخل

صح لساااانك

صح لسانك

تحيه لأخواننا الجن من هذا المنبر 😄 يستاهلوا
وتحيه لك اخي الكريم على القصيده الجزله
صح لسانك

يا سلام على الجنيات حقنا

افضل من حقكم الجنيات

لاهن عندكم لا يجننكم هههههه
تحيه لك

صح لسانك

صح بدنك