جلسة غني جلسة فقير ......

جتني عزيمه قلت خلْني اروح
انبسط افرح و الضحكه تفوح

انسى احزاني مع ذيك الحريم
ويرجع اقليبي صافي مو اليم

يومني ادخل نا شفت العجب
صرت في غربه و قبالي كرب

يمشن ابكبره و النظره غرور
قلت يا ساتر الطف يا غفور

واحده تحكي عن لولو البحر
وثانيه تبغى سفره في صفر

وثالثه تاكل بالشوكه اللحَم
تقول يا عالم هذا مو طَعم

قلت ما ودي جمعات الغني
عندهم حالي مااصبح هَني

اه ما احلى قعده عند فقير
حيّا وسهلا عا ذاك الحصير

شاي او قهوه و شوية فشار
صايره اشرِق كما ساعة نهار

معهن اتسلى نحكي عالزمان
نذكر الماضي واوراق الامان

نسدح النكته الجلسه سرور
سعدنا غطى عا كل الحضور

نقول نتلاقى لا طاب الوقت
نتّفق عا يوم و الغالب سبت


بقلمي
بنت حضرموت

صح لسانك
شاعرتنا المميزة

صدقتي جلست الفقير أجمل وبذات على الحصيره مافي مثل التواضع تسلمي شرقية

خيال واسع وقلب مشتاق يشده الحنين
لتلك الايام الماضيه وياليت تسمح الايام بعوده ولقاء
مع من لهم في القلب مكانه

تسلم لسااانك بنت حضرموت
كلمات ممزوجه بالحنين والشوق وبنكهه الفراق والبعد
ان شاء الله بعوده قريب لمسقط راسك
ويجمعك الله بكل خير
مع اهلك وناسك واقربائك وكل من تحبين
وتكحلي عيناك بسواحل ووديان حضرموت الابيه

حياكم جميع فالكم الجنه يارب ربي يوفقكم على حضوركم الرائع سلمتم ولاهنتم يعطيكم العافيه اخواني