الصاحب المغرور جديد الشاعر يحيى دهمش

الـدهـمشي قـال يـاقهري ويـاغلبي
ويــاوجـودي ويـاكـثـرة مـعـانـاتي

الـى من اشكي بما قد حل في قلبي
مـنهو مـن الـناس بـايسمع مناجاتي

مـاكنت ظـني خوي الدرب يفسل بي
يـقـطع وصـالي وبـيحطَّم طـموحاتي

مـاله تـغير مـن ايـجابي الـى سلبي
مـاله نـسي كـل فـزعاتي ووقـفاتي

كـذا خـويي يـسوي بـي ويـفعل بي
يـنـسى وصـالـي وبـيقطَّع عـلاقاتي

قـد كـنت اظنه سلاحي واحزبه جنبي
فـزعـه ووقـفات لا نـاديت لـه يـاتي

قـد كـان مـايجلس الـجلسات الا بـي
وانـا بـدونه مـايحلا لـي طـعم قاتي

لا صـرت ويـاه شفت النور في دربي
كـنـه عـلـمدار وانــا مـثل مـيماتي

والـيوم مـدري عـلامه صـار مـتخبُّي
ولا بـيـفتح عـلـى بـعـض اتـصالاتي

ماعاد لي نفس في اكلي وفي شربي
ضـاقت حـياتي وضـاقت كـل اوقاتي

وش عـاد باقول غير اشكي على ربي
رب الـسـماوات ذي يـعـلم خـفياتي

وانـساك يالصاحب المغرور من قلبي
بـعـد الــذي صــار بـاقفَّل مـلفَّاتي

لافظ فووووك ولا عاش من يكرهوك

ونعم بك يالشاعر الدهمشي والله ونعم بك

راااااااااائع
صح ﻟﺴﺎﻧﻚ

جمييييييييييل
صح لسانك

صح لسانك قصيدة عبرت ما فيها واتقنت سرد المعانة بلوحة جميلة

كلام في الصميم
الله يبدلك بصاحب خيرا منه