قصيده مرثيه لشاعر جابر بن جبهه بن حيد بالعبيد

قصيده مرثيه لشاعر جابر بن جبهه بن حيد بالعبيد
في فقيد الامه الاسلامية ‫#‏الملك_عبدالله_بن_عبدالعزيز‬ رحمه الله
الحزن خيم وطرف العين مابينام
..............من بعد ماجاني الليله خبر وعلوم
موت الملك شق حالي قسّمه قسّام
......وامسيت جالس على فرشي وساعه قوم
مات المليك البطل الفارس المقدام
.......مات الملك ذي بحكمه ينصف المضلوم
بومتعب القلب والشريان والصمّام
......بومتعب اللي جمع شمل العرب في يوم
ذي وحد الصف وارفع راية الاسلام
............والي تحدّاه من سيفه رجع مهزوم
ذي قال لا .والف لا. للعنف والاجرام
......واعمى عيون التطرّف سهمه المسموم
مرحوم ياخادم الحرمين يالضرغام
..........ياباني الساس ساسك دايمن محكوم
يالقايد الرمز ياذي خطوتك قدام
.......شعب العرب باكمله محزن عليك اليوم
تحزن عليك الجزيره كلها والشام
........والقاهره محزنه والقدس والخرطوم
الله يسكنك حيث الحور والانعام
.........مرحوم يامن سكنت اقلوبنا مرحوم
وان شي خطا يغفره الواحد العلام
.....كل عبد يخطي ولاحد من خطا معصوم

سفيره تسلم اناملك يالغاليه على حسن الاختيار والنقل المميز

تسلمين بالسفيرة على الكلمات الرائعه