قصه من تاليف اختي

بسم الله الرحمن الرحيم

السلام عليكم ورحمة الله وبركاته

اليوم جبت لكم قصة جديدة من تأليف اختي واتمنى تحوز على اعجابكم

واتمنى أشوف تفاعل من الأعضاء


ما راح انزل الاجزاء ورا بعض

كل يوم او يومين جزء عشان تتشوقون للقصة

وابي اشوف تفاعل وردود حلوة




الجزء الأول

نتعرف في البداية على بطلة قصتنا وهي سيدة أعمال ناجحة اسمها ( أسماء ) عندها شركة مقاولات كبيرة أسماء بطلتنا تتميز بالذكاء وقدرتها على تحمل المسؤولية وبعد وفاة زوجها قدرت توقف الشركة على ريولها وقدرت تنقذ الشركة من الأفلاس بالرغم من المشاكل اللي واجهتها مع شريك زوجها ( بو عبد الله ) .
بعد ما توفى زوج اسماء أبو عبد الله سوى لها الكثير من المشاكل بس بذكاءها قدرت تتغلب عل كل المشاكل وخذته بالسياسة ، وقدرت تكسبه بعد ما كان رافض ان حرمه تشاركة بالشركة على قولته وكان يبي الشركة له بروحه وعرض عليها تبيع نصيبها في الشركة .
بس رفضت عرضه وقام يضايقها ويفتعل المشاكل ، ولما شاف ما في فايدة عرض عليها الزواج ، بس طبعا رفضت عرضه لأنها كانت تعرف نواياه وهدفه من ورا هالزواج عشان يستولي عالشركة .
ولما كثرت المشاكل بينهم تنازلت له عن جزء من نصيبها بالشركة ، وبالفعل قلت المشاكل بينهم على الرغم من عصبيته وتهوره في بعض الأحيان وعدم الأخذ برأيها
في كثير من الأمور المتعلقة بالشركة .
وبالرغم من المشاكل اللي واجهتها ما اهملت تربية اولادها وهم : ناصر اللي خلص الثانوية بتفوق وسافر كندا عشان يدرس الطب وصار له سنتين يدرس .
ونورة في ثاني ثانوي متفوقة في دراستها وعلى جمال وخلق ما شاء الله عليها .

في بيت أم ناصر

صحت الصبح وشافت الساعة قامت بسرعة تلبس عشان تلحق عالدوام ، راحت لنورة وطقت الباب .
أسماء : يلا نورة تأخرنا بسرعة عشان اوصلج بطريقي .
نورة : زين يمه جاهزة ثواني .
طلعت نورة من غرفتها وتبوس أمها وتحظنها .
نورة : صباح الخير يا أحلى أم بالدنيا .
أسماء : صباح الخير يا أحلى نورة .

نورة كانت تحب أمها ومتعلقة فيها وايد لنها ضحت عشانهم وايد وكانت الأم والأب في نفس الوقت ويوم توفى زوجها قبل عشر سنين كانت صغيرة 30 سنة وما رضت تتزوج عشان تربي عيالها وعاشت على ذكرى زوجها اللي كانت تحبه .

نزلت نورة وأمها وتريقوا وبعدين وصلت أسماء نورة المدرسة وراحت الشركة .
كان جاسم أخو أسماء عايش معاها في بيتها جاسم أصغر من أسماء بسنتين 38 سنة
كان متزوج وتوفت زوجته في حادث بعد زواجهم بسنتين بس وكانت حامل ، الصصدمة كانت شديدة عليه وأصيب بحالة نفسية صعبة ، فقررت أسماء انها تاخذة يعيش معاها عشان تخفف عنه وينسى اللي صار .
بس حياته كانت معتفسة عالآخر سهر لين الفجر وما يقوم الا الظهر ، وأسماء تعبت معاه ونصحته وايد بس ما فاد معاه وقالت بتخليه يمكن ينسى همومه .
أسماء كان عندها أخ ثاني اللي هو( سعد ) 50 سنه اكبرهم
سعد أخذ تقاعد من خمس سنين لأنه أصيب بطلق ناري في رجله أثناء التدريب
وكان يعرج شوي ، زوجة سعد( عائشة ) في عمر أسماء ، بنته الكبيرة فاطمة 28 سنة متزوجة وعندها بنت .
ولده ( فهد ) 27 سنة مهندس يشتغل مع عمته اسماء في الشركة وذراعها اليمين وكان يحب عمته ويحترمها .

( وقت الظهر )
طلعت أسماء من السركة وشافت فهد واقف عند سياته وراحت له .
أسماء : شفيك فهد ليش واقف في الحر .
فهد : السيارة عمتي مو راضية تشتغل .
أسماء : ههههههه أكيد مثل عوايدها كم مرة قايلتلك اشتري سيارة جديدة أحسن لك .
\فهد : هذي غالية ولها ذكرى عزيزة هدية أبوي يوم تخرجت من الثانوية ، صار لها عشر سنين وياي عمر يا عمتي عمر .
أسماء : هههههه خلها تولي وإذا عزيزة عليك حطها في المتحف وخذ وحده يديدة .
فهد : الظاهر ما في غير هالحل .
أسماء : يلا خلها هني وتعال بوصلك .
فهد : بس عمتي ما بي أتعبج .
أسماء: ما في تعب أنت اللي راح تتعب لني بروح مدرسة نورة أول وبعدين بوصلك .
فهد : خلص شورج وهداية الله .
فهد من زمان ما شاف نورة تقريبا خمس سنوات يوم كان عنرها 12 سنة والحين تغيرت وايد عن أول .
ركبوا السيارة وراحت أسماء صوب مدرسة نورة.
نورة تشوف سيارة أمها ومستغربة : منوهذا اللي ويا أمي غريبة .
راحت نورة وركبت السيارة وقعدت ورا .
وطالع امها من المنظرة .
أسماء فهمت : هذا ولد خلج فهد ما عرفتيه ؟
نورة : شلونك فهد .
فهد منحرج شوي : الحمد لله انتي شلونج .
نورة : الحمد لله .
فهد : اصدقين ما عرفتج كبرتي وتغيرتي أخبرج ياهل .
أسماء : السنين تمر بسرعة يا فهد والياهل يكبر .
فهد : اي والله يا عمتي صدقتي .
فهد في نفسة : ما شاء الله شلون تغيرت واحلوت .
نورة كانت ماخذة بياض أمها وشعرها الناعم وماخذة من أبوها عيونه الوسيعة ،
كانت طويلة .
أسماء ها فهد شرايك تروح معانا البيت تتغدى زمان ما مريتنا .
فهد : لا عمتي اعذريني اكيد أمي وأبوي ينطروني عالغدا .
أسماء : أتصل لهم وقولهم ترى عمك جاسم يسأل عنك اقعد معاه يبي يسولف معاك .
فهد : خلص عمتي بتصل لهم .
فهد اتصل على أمه وخبرها انهمعزوم عند عمته .
وصلوا وفهد دش الميلس ، ونورة راحت غرفتها بدلت ملابسها وبعدين راحت المطبخ تساعد أمها في تحضير الأكل .
كان عندهم طباخ في المطبخ الخارجي بس كانوا يشرفون على تحضير السفرة .

جهزوا الغدا ورتبوا كل شي وراحت أسماء تصحي أخوها جاسم .

وبعدين نزلت وراحت حق فهد .
أسماء : يلا فهد الغدا جاهز .
فهد وين الحمام بغسل يدي .
أسماء تأشر حق فهد عالحمام اللي كان قريب المطبخ وتروح ترتب الأكل
فهد غلط بدال ما يدش الحمام دش المطبخ واللي كانت نورة هناك مع الخدامة تجهز العصير وما كانت منتبهه لوجود فهد اللي رد على ورا بسرعة وفي نفسة ما شاء الله البنات بسرعة يكبرون ونورة طبعا ما كانت لابسة شيلة وشعرها الناعم كان طايح على كتوفها .
ومع بياضها كانت طالة جنان .
فهد يغسل يده في الحمام وسرحان وفجأة يسمع حس حد وراه ويلتفت الا عمه جاسم .
جاسم : اشفيك فهد اللي ماخذ عقلك .
فهد : ها لا عمي ولا شي شلونك . \
جاسم : الحمد لله بخير .

ويسمعون صوت أسماء تناديهم : يلا سنة تغسلون الأكل برد .

راحوا جاسم وفهد وقعدوا عالسفرة .
نورة جاية وشايلة صينية مكرونة وتحطها عالطاولة .
جاسم : يلا كأن هالأكل هذا كله ما يكفي .
نورة : عمي تدري اني ما احب العيش .
جاسم : اي كله من امج مدلعتج وكل أكلج ايطالي .
أسماء : جاسم شفيك على بنتي خلها براحتها .
جاسم : اي دلعيها بعد .
أسماء : جاسم الله يهديك تنتقد الناس وما تبي حد ينتقدك وانت كله سهر ونوم للظهر .
فهد : خلص شفيكم بتقلبونها نكد الحين .
أسماء : أنا خايفة عليه وعلة صحته .
جاسم : شبي بصحتي دام كل شي راح خلها الثانية تروح مع اللي راحوا .
أسماء : ليش يا خوي توك صغير والعمر قدامك ، خل أيمانك بالله قوي وان شاء الله بيعوضك خير .
نورة : خلص يمه ما ينفع الكلام لا تعبين عمرج خل ناكل ابرك .
أسماء : اي والله صاجة يا بنتي الكلام معاه ضايع .
وتموا ياكلون وكل شوي فهد يطالع نورة .
جاسم لاحظ نظرات فهد لنورة : أحم أحم كح كح .
أسماء : شفيك تبي ماي .
تقوم نورة تصب له ماي .
ياخذ جاسم الماي من يد نورة ويشربه ويطالع فهد اللي فهم معنى نظراته وانحرج وتم ياكل .
خلصوا الغدا وراح جاسم وفهد الميلس وهم قاعدين يسولفون دشت عليهم أسماء وبيدها القهوة ونورة وراها شايلة صينية صغيرة .
جاسم يعلق : بعد لاحقينا بالأكل لين هني .
نورة : هذا سويت خالي مو أكل .
جاسم : بعد ! لا بالله متنا من التخمة .
نورة : خالي هذا لازم كلكم تاكلونه لأني مسويته بيدي .
فهد : دام نورة مسويته أكيد بناكل .
أسماء تصب القهوة ونورة تحط الحلو بصحون صغيرة وتعطيهم .
جاسم خلص على صحنه وفهد يطالعه .
فهد : هذا اللي ما يبي ياكل .
جاسم : شسوي ما اقدر أقاوم حلويات نورة ، كل يوم تطلع لنا بشي يديد .
أسماء : نورة وايد شاطرة بالحلويات علمتها وبعدين تفوقت علي .
نورة : أنا مومعتمدة عليج بس أنا عندي مصادري الخاصة بالطبخ .
فهد يسمع وهو مستانس على كلامها .
جاسم : وشني مصادرج يا عبقرية زمانج ؟
نورة : مصادري وايد مثل الانترنت وكتب الطبخ وساعات أكلم طباخنا عالانتركم ويعلمني بعض الشغلات .
فهد : ايه تكلمين الطباخ يعني ؟ وأهلج يدرون ؟
جاسم وأسماء : ههههههههه
نورة انحرجت منه وفي نفسها : شفيه هذا ؟
بعد شوي فهد يطالع ساعته : وايد تأخرت بيأذن العصر .
جاسم : خلك من زمان ما شفناك بنروح نصلي العصر مع بعض وبعدين نطلع شوي .
أسماء استانست :اي والله روح مع عمك وطلعوا مع بعض .
فهد فهم أن عمته تبيه يروح مع عمه يطلون ويطلع من الجو اللي عايش فيه .

صلوا العصر وبعدين طلعوا يتمشون .
جاسم : ها فهد للحين ما لقيت العروس المناسبة ؟
فهد : لا والله عمي ، أمي تقولي تعال بخطب لك في بنت مثل القمر ولما أروح أتفاجأ انها لا قمر ولا شي .
جاسم : انت اللي ما يعجبك شي ولو تبي الزواج كان عرست من زمان .
فهد : حتى فطوم تقول نفس الكلام .
جاسم : الا شخبارها فاطمة من زمان عنها .
فهد : لاهيه فشغلها ووبنتها ، الله يعينها حتى احنا ما نشوفها .
جاسم : هذي حال الدنيا العيال يكبرون ويتزوجون وينسون أهلهم .
فهد : الا أنا لما أـزوج بعيش مع اهلي .
جاسم : ايه بنشوف .
جاسم : شرايك بنورة ؟
فهد : ها شفيها نورة .
جاسم : أنا أشوف انها مناسبة لك .
فهد ايه بس في فرق بالعمر .
جاسم : مو وايد عشر سنين بس .
فهد : عشر سنين مب شوي يا عمي .
جاسم : مرتي الله يرحمها كانت صغيرة ويوم صار الحادث كان عمرها 23 سنة .
فهد : الله يرحمها وكان يبي يغير الموضوع لأنه لاحظ الضيق على وجه عمه .
فهد : خلص اخطب لي ياها مو انت عمي .
جاسم : من صجك عاد ؟
فهد : ايه كلم عمتي ومهد لي الموضوع .
جاسم : الحين كل البنات اللي شفتهم ورحت تخطبهم محد عجبك فيهم ونور هي اللي عجبتك ؟
فهد : الصراحة يا عمي ما خبي عليك ، نورة أول ما شفتها حسيت باحساس غريب صوبها وهي اللي قدرت تحرك مشاعري .
جاسم : احم احم وأخيرا الصنارة غمزت .
فهد : وصادت أحلى جوهرة .
جاسم : عيني يا عيني مساكين أهل الهوى .

جاسم وصل فهد البيت .
فهد : عمي دش أبوي يبي يشوفك .
جاسم : مرة ثانية يا فهد تعبت اليوم بروح ارتاح .
فهد : على راحتك عمي يلا مع السلامة .
جاسم : مع السلامة .

جاسم رجع البيت وتم في الصالة يطالع التلفزيون وبعدين راح غرفته .

وهو رايح صوب غرفته سمع صوت نورة تضحك بروحها ، شك انها ممكن تكلم حد في التلفون وراح صوب غرفتها وفتح الباب بقوة .
ويوم شاف المنظر انصدم .

يا ترى شنو شاف جاسم ؟ ونورة شكانت تسوي ؟ ومع منو كانت تضحك ؟

تابعوا معي أحداثا جديدة

يعطيك الف عافيه
قصة جميله ورائعه
منتظرينك

دايــــم الـــعـــزء
الله يعافيك
الجزء الثاني تمورو
انشالله......

صـــقـــر
اسعدني تواجدك
انشالله,,

يا ترى وش يضحك نوره !!! ههههههه

بأنتظار تكملة القصة

بصرااااحه ابداااااع

يسلمووو بنت مارب وتسلم اختك

روووو وعث والله بالرغم أني طويلة لكن استمتعت بقرائتها
مشكورة

الـــفـــهـــد
الله يديم الضحكه والله يسلمك
وصبر
راح تعرف وش يضحكه
اسعدني مرورك,,,

ابـــو اصــيــل
الاروع تواجدك
لسه باقي اجزاء
صوح هيا طويله والمعذره اطنا عليك
تحياتي

الجزء الثاني

فتح جاسم الباب وانصدم من اللي شافه ، نوره كان وياها وحدة حلوة موت وكانوا ماخذين راحتهم ويضحكون ، اللي كانت مع نورة جواهر رفيجتها كانت فاتحة شعرها الأسود الطويل ومطمنين محد في البيت ومو متوقعين حد يدش عليهم ،
جواهر في عمر نورة معاها في المدرسة .

جاسم ما عرف شلون يتصرف ورجع بسرعة على ورا وهو يقول : آسف .
صك الباب وراح غرفته ويفكر : معقولة هالجمال ويني عنها من زمان هذي رفيجة نورة ودوم تزورها بس أول مرة أشوفها .

وعالساعة ثمان فليل أسماء اطق باب جاسم : يلا جاسم ما بتتعشى .
جاسم : لا ما لي خاطر الغدا كان وايد دسم ما اقدلا اتعشى .
اسماء : على راحيك .
جاسم : وين نورة ؟
أسماء : تحت تتعشى .
جاسم : إذا خلصت خل تجيني أبيها .
اسماء : خلص بقول لها .
وراحت

بعد العشا راحت نورة حق خالها جاسم .
نورة : ها خالي شبغيت ؟
جاسم : قعدي ابيج بسالفة .
نورة : خير خالي .
جاسم : خير ان شاء الله ، نورة بغيت اعتذر لج عاللي صار مساع ، آسف عشان دشيت عليج من غير استئذان .
نورة اللي كانت ناسية الموضوع : ايه خالي تقصد ههههههههههه والله اني تخرعت ورفيجتي جواهر جمدت مكانها يوم شافتك وعقب ما طلعت تمينا نضحك عالموقف ،
بس خالي ليش سويت جذي .
جاسم : سمعتج تضحكين بروحج شكيت بالأمر وحبيت أتأكد .
نورة : السالفة جذي يعني ؟ خالي انت مو واثق فيني ؟
جاسم :واثق بس الشيطان الله يلعنه .
نورة : خلص خالي أنا الحين زعلانة ولازم تراضيني .
جاسم : من عيوني وكم نورة عندي .
نورة : ابي هدية صلح والا ما برضى .
جاسم : وشنو تبين آمري بس .
نورة : ابي اتعلم سواقه وابي سيارة آخر موديل .
جاسم : ولا يهمج من بكرة السيارة بتكون عندج وأحلى سيارة من أحلى محل أطفال بالدوحة .
نورة : لا خالي عاد من صجي اتكلم .
جاسم : يلا عاد يلا شكلي عطيج ويه زيادة ، بذلينا يعني عشان غلطنا روحي يلا ما عندنا بنات يسوقون .
نورة تروح وتسوي عمرها تصيح : خلص خالي أنا زعلانه مب مكلمتك كلش .
جاسم يضحك على شكلها : هههههههه يلا زين كلش بموت لو ما كلمتيني .

كانت نورة متعلقة وايد بخالها وتشوف فيه حنان الأب اللي مات عنها وهي صغيرة
يوم أبوها مات كان عمرها سبع سنين وانحرمت من حنانه بسرعة .
وكانت تشوف في خالها حنان الأب ، وهو بعد كان يعاملها مثل بنته ويخاف عليها .

نروح حق فهد اللي كان في عالم ثاني ، ويفكر في نورة اللي استولت على تفكيره من يوم ما شافها الظهر ويروح حق أمه عشان يكلمها .
فهد : يمه بغيج في موضوع .
أم فهد : قول يا ولدي أسمعك .
فهد : يمه بغيت أتزوج .
أم فهد : زين يمه من زمان وأنا أحن عليك .
فهد : اي يمه بس انا لقيت البنت المناسبة .
أم فهد : ومن هي سعيدة الحظ ؟
فهد : يمه نورة بنت عمتي .
ويدش عليهم أبو فهد : السلام عليكم.
أم فهد وفهد : وعليكم السلام .
أبو فهد : شعندكم شكلكم تحشون في حد ؟
أم فهد : لا والله حشا علينا بس ولدك فهد يبي يعرس .
أبو فهد : ايه مصدق بيعرس لين حجت البقر على قرونها ، كل ما خطبنا له وحدة طلع فيها بلاوي الدنيا .
فهد : انتوا يبتوا لي وحدة عدلة وقلت لا .
أبو فهد : وان شاء الله لقيت هالعدلة .
فهد : اي يبه لقيتها .
أبو فهد : ومني هالمنحوسة ؟
أم فهد : لا عاد حرام عليك لا تقول جذي اللي بياخذها ولدي بتكون أسعد وحدة .
فهد : يبه نورة بنت عمتي .
أبو فهد : نورة بنت أسماء اختي .
فهد : ايه يبه .
أبو فهد : والله يا ولدي نورة ما عليها كلام بس ترى أسماء وايد مدللتها وعايشة عيشة غير عنا ، يعني عيشة ملوك واحنا على قد حالنا على الله وعلى هالراتب .
فهد : يبه بس أنا أبيها وإذا هي تبيني أكيد بتوافق وترضى بحالي .
ام فهد : أبوك صاج يا فهد هي صج بنت عمتك بس وضعها يختلف عن وضعنا ومتعودة على مستوى مادي ما نقدر نوفر لها ياه .
فهد : بس أنا يوم كنت عندهم ما شفت هالشي ، هي وايد متواضعة وتسولف عادي وتقدم الأكل بيدها وتطبخ بعد ، يعني عادي أمها مو مدللتها ولا شي .
أبو فهد : وانت شفت كل هذا في الساعتين اللي رحت لهم فيها .؟
ام فهد : أنت ما تعرف الإنسان إلا إذا عاشرته وعشت معاه ، شلون تحكم عليها بهالسرعة .
أبو فهد : هي صج بنت أختي بس أنصحك يا فهد تفكر عدل وما تتسرع .
فهد : بجرب حظي وبخطبها وإذا وافقت معناه انها مو متكبرة ولا شي ، وإذا ما وافقت خلاص كل واحد يروح لحاله .
أم فهد : خلص يا ولدي اللي يريحك .



ما تكلمنا عن ناصر

كان يدرس الطب بكندا وصار له سنتين عمره 20 سنة باقي له خمس سنوان ويخلص
رجع في إجازة الصيف عشان يشوف أهله .
أسماء راحت له المطار ومعاها نورة .
ناصر كان جاي معاه رفيجه في الجامعة اسمه يوسف أكبر من ناصر 23سنة، سنة خامسة .
ناصر ويوسف يمشون في صالة القادمين وناصر مومنتبه لأمه اللي تأشر له .
ام ناصر تروح له : الحمد لله عالسلامة ناصر .
ناصر : يمه انتي اللي جاية وين خالي ؟
نورة من ورا أمها : الحمد لله عالسلامة وتسلم على ناصر .
ناصر : هلا نورة شلونج .
نورة : بخير الحمد لله .
يوسف يطالع نورة ومتسبه من قلب .
ناصر : أعرفكم على يوسف رفيجي .
أسماء تسلم عليه وبعدين نورة تمد يده وتسلم .
وتم يوسف يطالع نورة ونورة انحرجت من نظراته .
ناصر : يوسف يلا بنوصلك .
يوسف : مشكور ناصر أبوي وأخوي جايين .
ويشوف حواليه : أكاهم هناك يلا عن أذنكم .
يسلم عليهم ويروح .
ونورة تمت اطالعه .
يوسف كان وسيم وطويل عليه جسم مفتول حنطاوي البشرة ، عيونه وساع وملامحه حادة .
ونورة تخبلت عليه .
في بيت بو مبارك اللي هو أبو يوسف بس ولده الكبير أسمه مبارك ويوسف بعد مبارك
وعندهم أخت أصغر من يوسف بسنة 22 سنة تدرس بالجامعة وأسمها ليلى .
وصلوا البيت وام مبارك وليلي يستقبلون يوسف .
أم مبارك تصيح وتحضن ولدها يوسف : شلونك يمه تو ما نور البيت .
يوسف : الحمد لله يمه بخير دامج بخير .
أبو مبارك : يلا الحين بتقلبها نكد ، تستانس تصيح وتتكدر تصيح ما عرفنا لها .
ليلى : يبه خلها تعبر عن مشاعرها أنتوا الرياييل ما تعرفون شنو يعني مشاعر .
يوسف يلتفت صوب ليلى : ليلى انتي هني ؟
ليلى : لا هناك تو الناس توك تشوفني ؟
يوسف : ما عليه اعذريني شوفة الغالية نستني .
مبارك : ايه طبعا هذي الغالية .
ليلى : وأنا يعني شنو مو غالية ؟
مبارك : أكيد انتي الغالية يا أم المشاعر .
الكل : هههههههه
يسلم ناصر على ليلى ، وبعدين قعدوا يسولفون .
أبو مبارك : شلون الدراسة وياك ؟
يوسف : الحمد لله يبه هالسنة كان تقديري جيد جدا .
ليلى : ليش انت كله امتياز .
يوسف : شسوي كل سنة أصعب من اللي قبلها وسنة خامسة وايد صعبة ، والله يعين عالسنتين الباقيين .
أم مبارك : الله يعينك ويوفقك يا ولدي .
تدخل الخدامة : ماما خلص أكل .
أم مبارك : يلا متنا يوع .
أبو مبارك : صاجة يلا خل نتعشى .
وراحوا يتعشون .



في بيت أم ناصر

ناصر وصل البيت مع أمه وأخته .
ناصر : الا وين خالي ما شوفه ؟
أم ناصر : مدري والله يمكن طلع .
نورة : بتصل له .
نورة تتصل على خالها .
يرن تلفون جاسم اللي كان قاعد عند البحر .
جاسم : الو .
نورة : خالي وينك ترى ناصر وصل ويبي يشوقك .
جاسم يضرب بيده على راسه : اوه نسيت يلا جاي .
يصكر التلفون ويروح لهم .
وصل جاسم : السلام عليكم ، هلا بالغايبين .
ناصر : يقوم ويسلم على خاله : هلا خالي شلونك .
جاسم : بخير وانت شخبارك ؟
ناصر : الحمد لله بخير .
جاسم : أحس البيت منور اليوم .
ناصر : أكيد دامني وصلت .
أم ناصر : خلصوا سلامات ويلا نروح نتعشى .
تعشوا وبعدين تموا يسولفون وضحك ووناسة .



بيت أبو فهد

فهد قاعد وسرحان وتدخل عليه أمه .
أم فهد : اللي ماخذ عقلك .
فهد : يمه متى بتروحين معاي ؟
أم فهد تسوي نفسها مو فاهمة : وين نروح يمه ؟
فهد : نسيتي يمه ؟ موضوع نورة !
أم فهد : ايه تذكرت ، وليش مستعيل ؟
فهد : لا ترفعين ضغطي يمه ، من متى وأنا أقول لكم ، أخاف حد يسبقني ويخطبها .
ام فهد :أول مرة اشوفك متحمس ومستعيل .
فهد : يمه نورة غير عن كل البنات حلوة ومؤدبة أخاف تروح مني .
ام فهد : خلص بكلم أبوك وبنشوف .
وهني يدش أبو فهد .
أم فهد : كان طرينا مليون .
أبو فهد : شعندكم جنكم تحشون فيني .
أم فهد : لا والله بس فهد مستعيل يبي يخطب نورة ، وأنا قلت له بكلم أبوك.
أبو فهد : للحين مصر يا ولدي ؟
فهد : انتوا ليش معترضين ؟ خلوني أجرب ما بخسر شي .
أبو فهد : خلص يبه اللي تشوفه دامك مقتنع الله يوفقك .
فهد : هذا الكلام الزين ، أحبك يا بو فهد ، ويحب راس أبوه .

يا ترى هل نورة بتوافق على فهد ؟ ويوسف شراح يكون دوره في حياتها ؟ وناصر بيكون مع يوسف رفيجه والا مع فهد ولد خاله ؟

تابعونا في أحداث الجزء الثالث .

هههههههههههه

رهييييب تسلسل الاحداث

لا وعاد هالاسماء والشخصيات الجديده مالها حل ههههههه

يسلموووو بنت مارب

بأنتظار الجزء الثالث واعتقد ان نوره بتحب يوسف وبتتزوج فهد ههههههه توقع بس

يلااا بالانتظار

والمفروض نعطي اختك جائزة ^^