يجف الحبر ...!

يذوب الحبر مابين السطور وينولد طاروق
ابوه الوزن والمعني مهاده وامه الفكره
تحضّنه القوافي لين يكبر بالادب والذوق
ويرسخ بالقلوب اللي بها اللوعات منحكره
معه جو المشاعر يحتويني والمزاج يروق
وتجي معه الطيوف اللي تجي دايم على ذكره
واشوف الذاكرة غيمٍ تزبّر والطواري بروق
يكوّن لي ملامح صورتك لامن بدا بكره
وبدا وسم الحنين اللي مع الزخات ينبت شوق
وزفرت الآه من قلب يحب ولا قوي يكره
حبيبي والغياب اللي بديته باح سد الموق
تعبت انده واذب الصوت ياناسي على فكره
بعد بكره مواعدني يجي وصلك يفك العوق
زهقت وطالت سنيني ولاجاني بعد بكره
ذبل غصن الهقاوي والرجا جذعٍ بدون عروق
وشراع الصبر مكسور الصواري والهوي سكره
يغيب الوعي عني لحضتين وليلتين افوق
واشوح الشك في بير الظنون وتنقطع بكره
غدت ريضان صدري مملكة جن ابمبارك نوق
ادرج فاطر اسئلة الحنين وتنولد بكره
واردد طول ليلي لين يسبرني سفر وشروق
ياعله مفتكرني مثل ماني حيل مفتكره
يجف الحبر وتطول السطور ويوقف الطاروق
علي وزن المعاني لين ذوّب بالورق فكره
واشوفك بين طيات الغياب وهبهبات الشوق
نداويٍ قطع سبق الغرام وحن له وكره

صح لسان الشاعر وتسلم على القصيده يعطيك العافيه

يسلم من قال
ويسلم من طرح

طرح راقي

يسلموو

اخواني شكرا على مروركم الطيب ياذوق

بعد بكره مواعدني يجي وصلك يفك العوق
زهقت وطالت سنيني ولاجاني بعد بكره
ذبل غصن الهقاوي والرجا جذعٍ بدون عروق
وشراع الصبر مكسور الصواري والهوي سكره
يغيب الوعي عني لحضتين وليلتين افوق
واشوح الشك في بير الظنون وتنقطع بكره




من جد ابيات روووعه
اعجبتني بالحيل كذا لما تقرأها تحس فيها نغمه شاعر بدوي^^

سلمت يمناك يا مبدع

اختي احساس شكرا على مرورك الطيب ياذوق

رؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤعة

نورت الموضوع اخي بدر النهيدي لك تحياتي ياذوق