يوميات مسعد ومسعدة (2) والاخير

****مراقبة الجيران ****

مسعد : يا مسعدة ...هييييييييييي ...يا مرة ... يا جنية ...وينش يا مرة ..الله يبرد عليا منش..يا مسعدة

مسعدة.. ايش مالك لتصيح ما هو معاتشتي للمه الصياح هذا

مسعد ..ايش اشتي .معاد دريتي ايش اشتي ..هكذا المرة تستقبل زوجها لما يروح من العمل

انت عارفة انه الان وقت الغداء ..وانا من الصباح على لحم بطني ..اجري ادي لنا الغداء


مسعدة ...هو هذا ما همك الا على بطنك ...اشتيك يوم تدخل تقول ها امسكي يا عمري هذه الهدية ...تعالي نطلع نتمشي ...ما معك الا سيري ادي الغداء سيري قربي العشاء ...كبدتني ...سير ابسر بيت جارنا ابو احمد ...كل سع وطلعوا تمشيات وهات لك من رحلات ...وكل يوم ما يروح والا معه هدية لزوجته ...و , ووو

مسعد : ناهي ناهي هاتي سمعيني الاسطوانة حق كل يوم ..انا اقول لش بطلي مراقبة الجيران .. وعلى قدر فراشك مد رجليك...ومن راقب الناس مات هما...اعقلي يا مرة
انتي عارفة كم هو مرتبي وعلى يدش معاد استفيد منه شيء ..كله لش انت وعيالش

مسعدة ...اصه اصه لامن يسمعك ...عيضحك عليك ..ليش هذه زلط ..قال لك مرتب
سير ابسر الناس كيف عايشين ..وكم يصرفوا

مسعد:: يا مرة الله اكبر عليش اقول لش بطلي وسيري ادي لي الغداء ..

مسعدة :: مابش غداء


مسعد : ماهو ..مش هو وقت المزاح البايخ هذا


مسعدة ..مش هو مزاح هذا الصدق ..مابش غداء ..ما دبخت ..لانه ما فيش زلط ..خلص المصروف

مسعد :: ماهو خلص ..للمه .؟ عاده الا اسبوع من حين استلمت المرتب


مسعدة : ايوة صح .لكن ايش اعمل لك رحت انا وجارتي ام احمد السوق وابسرتها تشتري اكسسوارات
جونااااااان ..كانت نفسي عتخرج ..قلت مابه الا اشتري مثلها ..ما بش احد احسن من احد ..وصرفت الزلط كلها


مسعد : ماهو ..؟ جننت يا مرة ..ومنين عناكل ..وكيف نكمل الشهر



مسعدة:: الله اعلم انت اخبر ..دبرنفسك ...وسير ادي لنا غداء من المطعم




مسعد.. الله اكبر عليش يا مرة ,,قادنا اعزب قلت لا ..اشتي مرة ..تجي تجنن بي( ويطلع من البيت وهو يسب ويلعن اليوم اللي قرر يتزوج)

اليوم الثاني

مسعدة : مسعد ..مسعد قوم قوم ابسر ..مسعد ..يو على نوم ثقيل ..اقول لك قوم بسرعة

مسعد : ما هو ما تشتي خليني ارقد اليوم اجازة ..مابش دوام


مسعدة : ناهي ناهي انا عارفة انه اجازة ..اقول لك قوم ابسر بيت جارنا ابو احمد ..قد هم ليحملو ا اغراضهم للسيارة

مسعد :الحمد لله عيعزلو ا..لووووووووووووووول

مسعدة :: لا لا ...طالعين رحلة لمدة اسبوع ..قوم ابسر الناس كيف يفسحوا نسوانهم مش راقدين

مسعد : ما هو؟ تصحيني من النوم عميد ابسرهم كيف يتفسحوا..انا اي حين عتعقلي وتبطلي مراقبة الجيران ..الا يالله خارجنا حنا وهذه المرة ....خاطرش ..تركت لش البيت انت وجيرانش


اليوم الاخير

مسعد : يا مسعدة ..يا مرة ..هيييييييييي ..انا داري انها جالسة تجابر بيت ابو احمد ..وتبسر وين عيسيروا هذا الاسبوع
يااااااااااااااا مسعدة

مسعدة : ها ..ايوة ...قوى وحيا ...الحمد لله على سلامتكم ..لحظات ارتاحوا وانا اسير ادي الغداء

مسعد :

ما هو ما هو ايش ايش ..تعالي تعالي ...مالش او انت مسخنة اليوم ... اسكة شابسر الحرارة ..اوديش المستشفى ...مالش يا مرة ...ايش اللي نزل عليش اليوم ...سلامات

مسعدة :: ما هو ..ولا شيء ..انا عارفة اني مقصرة معكم ..لكن من اليوووووووووم مش عتبسر الا ما يريح بالكم ..شاسير ادي الغداء

مسعد : تعالي انا كنت ناوي اليوم اعزمش غداء ..حصلت اليوم مكافاة من العمل..قلت خلاص نسير نتغدى بمطعم ونتمشى

مسعدة : لااااااااااااااااا ..للمه الخسارة ..مش هو حالي اكل المطاعم ..والزلط اللي عنخسرها نحن احوج بها يا مسعد

مسعد : مالش يا مرة .ايش العقل اللي نزل عليش ..اتحاكي ..ايش اللي حصل

مسعدة : ها ....ممممممممممممم ..ااااااا ..


مسعد :مالش ايش في ؟ اتحاكي ؟


مسعدة : طيب عاد اتحاكى ..مابه الا جارنا ابو احمد تعرفه !!



مسعد :::هههههع خخخخخخ كككككك ..الا اعرفه ..قد هو مرافقي بالبيت اربع وعشرين ساعة..كيف ما اعرفوش؟؟ماله

مسعدة : مابه الا قالوا انه ...ضرب زوجته ....

مسعد : لااااااااااااااااااا

مسعدة :: وطلقها

مسعد: او او او

مسعدة : واخذ عليها كل المجوهرات .وطلعها من البيت مابش معها شيء


مسعد .. جارنا ابو احمد !!! للمه ..ايش اللي حصل .؟


مسعدة : قالوا انه خسر بتجارته ..واتراكمت عليه الديون ..وانه قال هذا كله بسببها انها تساله دايما وتريد تتفشخر على اصحابها ..لما خسر كل شيء


مسعد : اهلاااااااااااااااااااااا .. ياسلااااااااااااااااااام ....طلقهاااااااااااااااااا... يا سلااااااااام
( وصار يرقص برع على الصالة كلها من الصدمة )

طلقهاااااااااااااااا




هيا اسمعي حرام طلاق لما تقفزي الان وتدي الغداء لا يوقع يوم سعما الجن قال لك نسير المطعم .. هيا طيري قبلما يوقع خبر ثاني



مسعدة : ولا جن ولا شيء ...حمااااااااااااااااااااااامة







انتهت وان شاء الله تعجبكم

ههههههههههههههههههههههههههههههههههه

هكذا النسوان ما لهن الا الصميل قالك تماشي قال هههههههههههه

مشكوووووور يالكاسر على الموضوع الروعه

شكرااااااااا للمرور