قصه زوجيه مؤلمه

🔘 قصة زوجية مؤلمة 🔘
🔘انا ابو فهد وحاب احكي لكم قصتي مع زوجتي ام فهد الله يرحمها رحمة واسعه ويغفر لها ويجعلها في اعلى مراتب الجنه
🔘انا رجال متزوج من 3 سنوات بس حملت حرمتي بعد سنه من زواجنا وجابت لي فهد الله يحفظه .
🔘وشي طبيعي تكون فيه مشاكل في حياة الانسان سواء كان الغلط مني او منها،لكن الشي اللي مو طبيعي انها دااااايم كانت هي المبادرة للصلح سواء كانت غلطانه او لا وانا احيان اقبل صلحها واحيان اتغلى عليها يوم او يومين وتتعب مسكينه (اه يا ام فهد الله يرحمك)
🔘وراي بالاتصالات واذا جيت البيت تحاول ترضيني باللي ابيه لين جاء ذاك اليوم اللي ما راح انسااه طول حياتي تناقشت معها عشان تبيني اسفرها لاهلها بحكم انها ما شافتهم من وقت ما جابت فهد عمره حول السنتين وهم في منطقه ثانيه وكان عندي اجازه من العمل ورفضت 🔘وضلت تحاول كل يوم اني اوديها وانا ارفض وانا اعرف نقطه ضعفها زعلي ما تبيني ازعل عليها وقلت لها انا زعلان منك ومتضايق ولا عاد تكلميني ودخل الشيطان بيننا كلمة منها وكلمة مني وجرحتها كثييييييييييير بالكلام (مع انها نادراً ما تصرخ علي عسى مرقدها في الجنة)
🔘واطلع واخلي لها البيت بكبره واروح لاهلي وشكلها ندمت كالعادة وبدت تتصل علي واحط الجوال صامت وترسل لي ولا ارد عليها وقعدت على هالحال من بعد المغرب الى حوالي الساعه 11 بالليل وانا معطيها طنااااااااااااااش واستغربت انقطع اتصاالاتها بس قلت اكيد طفشت ، وتعشيت عند اهلي ورجعت البيت ويا صعووووبة ذيك الليله دخلت البيت كان قممممه في الهدوء ما اسمع شي ودخلت غرفة النوم ما فيها احد رحت الصالة لقيت فهد نايم عند العابه قلبي نغزني ماهي عادتها تخلي ولدها ينام في الصاله.
🔘رحت المطبخ لقيتها طايحه بالارض (كانت تجهز العشااء .. ام فهد كانت تجهز لي الطبخه اللي احبها وانا كنت مو مهتم فيها) والدم طالع من انفها نسيت الزعل ونسييييت كل شي وادق عالاسعاف واشيل ولدي وانزله عند جارنا اللي تحت وجاء الاسعاف وشالت ام فهد عالمستشفى اول ما وصلنا كأنها رجعت فاقت وماطولت وسلّمت روحها للي خلقها
🔘بغيت انجن صررررخت قطعت ثيابي ما فيه فايده راحت ام فههد راحت شريكة حياتي راحت امي واختي وزوجتي ورفيقة دربي وشريكة حياتي راحت الطيبه الحنونه اللي ما ترضى بزعلي عليها وليتها راحت مرتاحه راحت مقهوره مني راحت زعلانه راحت ما شافت اهلها لها سنتين ما شافتهم .
🔘الحين هي المره الاولى اللي ادور فيها رضاها لكن وشلون الاقيه
واللي يذبحني اكثر ولدها فهد نسخه منها في الشكل والتصرفات امووت فية مرره لا سمعته يدور ماما ما يدري اني انا بعد ادورها كل يوم في المطبخ والصاله واحضن وسادتها قبل انام.

🔘هذي قصتي يالربع ونصييييحه لا تغلطون غلطتي والله انها غلططططة ما تغتفر انا ما اعترض على قضاء ربي هذا يومها لكن اللي كاسر ظهري اني زعلتها وماتت زعلانه
نسيت اقولكم ان الضغط ارتفع عندها وسبب انفجار في الوريد اللي في الراس وصار عندها نزيف.
🔘وكل ذا بسببي...

🔘الله يرحمك يا ام فهد يالحنووونه ويرزقك الجنه ويجمعني بك فيها.
🔘قال عليه الصلاة والسلام:
( استوصوا بالنساء خيرا)...

احزنتني وانا مستغرقه في قراءتها
زوجه وفيه رائعه صابره وان شا الله لها ا لجنه
وذكرت قصه سمعتها بإذني رجل يتصل على الهواء مباشره
على قناة الرساله ما اذكر موضوع الحلقه
المهم حكى قصته مع زوجته انه كان يصرخ عليها
ويأذيها بدون سبب وانها كانت تنسى كل شيء وتستغفر الله ويرجع يتعذر
وفي مره ماتت بالمرض الخبيث
بكى والله العظيم ان زوجها بكى على الهواء مباشره وهو يقول
ابداً ما زعلتني انا كنت

انا كنت ازعلها ، انا كنت اغيضها انا كنت اضربها

وكانت تروح بيت اهلها تصفني عندهم لا تذكر ابدا انني ضربتها

اومددت يدي عليها

والله لو جازيتها ما اوفيها حققها

تركتني انا واربعه اولاد

اشهد الله اني سأرمل على اطفالي لالتقي بها في الجنه

ان شالله

كان يحكي قصته وانا ابكي

وانا اعرف ان هناك الكثيرون في هذا الزمان ما تحصل معهم وفي بيوتهم هكذا

ولكنالشيطان شاطر

اسا ل الله العليالعظيمان يبعد الشيطان عن كل بيت

وان يرد الالفه والمحبه الى قلب كل زوجين يارب

سلمت ايدك اخي

بارك الله فيك

قصه في منتهى الروعه

يالله عظيمة هذه المرأه
يسلموا والله عالقصه الأكثر من رائعه
لاعدمنا جديدك

اللهم امين

حس بقدره بعد مافقدها وخسرها

يعطيك العااافيه ع روعة ماجلبت

تقبل مروري

الله يرحمها ويغفر لها

مآيفيد الندم لاراح منا شخص غالي
الله يرحمهآ ويغمد روحهآ الجنةة وأن شاء الله الكل يستفيد
من القصة سواء زوج او حبيب او اخ او صديـق
ماحد ضامن عمرهـ ولا حد ضامن عمر غيرهه
يعطيك العافية ابو ريتال على القصة الرائعة
تحياتي لك ..،

شكرا لمروركم جميعا وشكرا لتعليقاتكم الرائعه
اسعدني حضوركم ومتابعتكم
لكم كل احترامي وجل تقديري