كتبت أسمه على قلبي كتبته في شراييني

بطلب من المولى يرجع لي زمن قد غاب
يرجع لي زمان أول يرجع ماضي سنيني



نصيتك يا إله الكون جيتك راجي وطلاب
وأنا ماظن ياربي تخيب رفعت يديني




بعايش قصة الماضي وبفتح للمعاني باب
أبي هالناس من حولي تطالع ضعفي وليني






أنا عشت الحياة أول حواليني كثير أحباب
ولكن مع كثرهم واحد اللي ملى لي عيني






خذيته في بداياتي صديقن .. أو مثل الأصحاب
لقيته دووم يشكي لي .. وأنا اشكي له ويوحيني






تطورنا إلى حتى وصلنا ( قمه الاعجاب)
أعاتب لو مضى يومي ولا جاني يحاكيني






عطيته كل ما فيني ، وعشنا في الغرام أقراب
كتبت أسمه على قلبي ، كتبته في شراييني






رسمته لوحه مارسمها قبلي الاحباب
قطفته وردة حمرا ، تروت في بساتيني






مضى عمري معه ، والوقت في قربه غدى خلاب
أنا أحبه ، وهو من كثر حبي مندفن فيني






أخبره لا تباطاني ... وقته بغيبتي ماطاب
أنا لا غبت عن عينه ... قضى وقته يفكربي






أخبره لا تباطاني .. سأل في غيبتي الاجناب
بقى يسأل بقى ينشد جميع الناس .. ياترى وينه ؟








مضى عمري وماحسبت ( حسافه للفراق احساب)
أنا ما جاء على بالي يجي يوم ويخليني






أنا ما جاء على بالي يقولوا لي ( حبيبك غاب)
وأنا اللي خابره قبل أمس أخبره ، حيل يغليني






طلبتك يا عيوني سيـلي دمعك على الأهداب
وخليني أصيح من الــقهر .. لا لا ترديني






مدام ان الغضي قصر وظني في الغضي قد خاب
( أببكي لين ما يبقى دموعن في وسط عيني )






اببكي جرح ، ينزف ذكريات وماضين ً جذاب
اببكي جرح ، ينزف حس منهو حيل مشقيني






أببكي طارين ً منه الفكر ماقد نساه وتاب
وإذا شفتوا دموعي ، لا تقولون وش يبكيني






بكيت اللي صار مثل الدم في داخلي ، ينساب
رحل واقفى وانا انادي ( طلبتك لا تجافيني )






طلبتك كان لي خاطر بقى في داخلك ، ما ذاب
رجيتك ، خلني ذكرى جميله يا معنيني






كتبت البيت خلف البيت ودمعي داعب الاهداب
وعسى لامن قرأ بيتي حبيبي .. ما يخليني


مما راق لي

ياروعة الكلام

كل الشكر لك يالغالي

خاطرة رائعه يالغالي

يعطيك العافية ومشكور

أنا ما جاء على بالي يقولوا لي ( حبيبك غاب)
وأنا اللي خابره قبل أمس أخبره ، حيل يغليني

صح لسانك يالغالي لشوقتنا لجديد خواطرك يابواصيل.

تسلم يالغالي على مرورك الجميل