عندي كلام ولازم تسمعينة...

دقيقـه مـن فضلـك قـبـل لاتروحـيـن
عـنــدي كـــلام ولازم تسمـعـيـنـه

يمكـن كلامـي ينفـعـك عـقـب تقفـيـن
ويمكـن كلامـي صعـب مــا تفهميـنـه

يمكنـي اكبـر مــن خيـالـك وتـدريـن
انــي كبـيـر وعـالـمـي تجهلـيـنـه

انـا الـذي جيتـك عـلـى مــا تمنـيـن
عشـق وقصـيـد وكـل شــي تبيـنـه

لكـن عقلـك تــاه واخـطـى العنـاويـن
تهتـي وانـا اللـي كنـت احسبـك فطينـه

واليـوم مانـي لاعــن حـظـي الشـيـن
ولانــي بقـايـل قـلـبـي الله يعـيـنـه

باقـول جعلـك فـي صــدودك تمـاديـن
لانـك رخصتـي عقـب منـتـي ثميـنـه

ولانـي عطيتـك فــوق مــا تستحقـيـن
لا بـد اصـون القـلـب عــن عاذليـنـه

ولان عـنــدي للمـحـبـه قـوانـيــن
لا ينـاسـبـك قـلـبـي ولا تناسبـيـنـه

روحـي وانــا بــروح لا بــد تلقـيـن
شـخـص مـثـل طبـعـك ولا تتركيـنـه

ولـي ابتعدنـا عـن بـعـض لا تظنـيـن
انـي عـلـى فـرقـاك نفـسـي حزيـنـه

بالعكـس انـا ودي فرقـاك مــن الحـيـن
لــن الجـفـااا حـقــك وتستاهلـيـنـه

شفـتـي وفــا قلـبـي ولازم تشـوفـيـن
وشـلـون قلـبـي يحـتـقـر خاذلـيـنـه

مـن باعـنـي لا بــد اوريـلـه الشـيـن
واقطـع حبـالـه لــو حبـالـه متيـنـه

خـلاص فـي نفسـي ولا عــاد تسـويـن
ولا عـاد لـك فـي القلـب غيـر الضغينـه

حتـى لـو انـي قلـت لـك شيخـه الزيـن
تـاكـدي فــي عيـنـي الـيـوم شيـنـه

وباختصـرهـا جمـلـه بـيـن قوسـيـن
( عشـق علـى غيـر كـرامـه غبيـنـه )

عيـب علـى الـرجـال طــرد المقفـين
وعيـب علـى الـرجـال بـنـت تهيـنـه

واخــر كـلامـي لازم انــك تعرفـيـن
انـي كرهـت العشـق والعـن سنينـه

تسلم يالغلا على روعة الطرح

يعطيكم العافية على المرور

الله عليك يابو اصيل

والله تبهرنا بمواضيعك يالغالي

أبو أصيل

مساءك ورد

أبدعت أناملك بالخاطرة

متصفح فاتن للغاية

سلم قلبك وفكرك

لروحك الطاهرة الورد

كل الشكر لك يالغلا على المرور

طرحت فابدعت
دمت ودام عطائك
ودائما بأنتظار جديدك الشيق
لك خالص حبي وأشواقي
سلمت اناملك الذهبيه على ماخطته لنا
اعذب التحايا لك

لكـ خالص احترامي

شكرالك اخي عاشق الصمت على تواجدك الجميل

يسلموو الانامل ابو اصيل

ابدعت بكلماتك الجميله

دمت بود

يعطيكم العافية على مروركم